काठमाडौं । प्रधानमन्त्री केपी शर्मा ओलीले प्रमुख प्रतिपक्षी कांग्रेससहित आन्दोलनरत संयुक्त लोकतान्त्रिक मधेसी मोर्चासँग वार्ता आह्वान गरेका छन् । सोमबार बिहान ११ बजे प्रधानमन्त्री निवास बालुवाटारमा बस्नेगरी वार्ता बोलाइएको हो । तीन ठूला दलहरुले सोमबारको वार्ता निर्णायक बनाउन साझा धारणा बनाउने तयारी गर्दैछन् ।मंसिर २ गतेको वार्तामै उनीहरुले मधेसका मागहरु सम्बोधन गर्न तीन ठूला दलहरुले एउटै धारणा बनाउने प्रतिबद्धता दिएका थिए । ‘भोलिको वार्ता निर्णायक बनाउने गरि तयारी सुरु भएको छ,’ एमाओवादी अध्यक्ष पुष्पकमल दाहालका सहयोगी चुडामणि खड्काले बताए ।