सिड्नीको अर्वनमा साइनोको स्वाद

सिड्नी । नेपालीमा साइनोको अर्थ हुन्छ नाता जोड्नु । यतिखेर सिड्नीमा कर्म गरिरहेका दुइ नेपाली युवा सुरज सुनुवार र लाक्पा शेर्पा नेपाली स्वाद पस्केर हाम्रो समाजमा नयाँ साइनो अर्थात नाता जाडने अभियानमा जुटेका छन । पुरानो नाममा नया काम देखाएर नेपाली स्वाद पस्कने जर्मकोमा लागेका यी दुइ नेपाली युवा यतिखेर साइनो रेस्टुरेन्टसंग नाता जोडेर ब्यवसायमा होमीएका छन । ‘मुलुकको प्रतिनीधित्व धेरै कुराले गर्दछ । त्यो मध्ये एउटा आफ्नो देशका खानाको मौलिक स्वादले मुलुकको पनि प्रतिनिधित्व गर्छ , परिकारले प्रवासमा रहेकाहरुलाई आफ्नो घरको साइनो पनि परिकार र स्वादले जोडीन्छ ,यसै कारण यो रेस्टुरेन्ट ब्यवसायमा होमिएका हौं,’ सुरजले बताए । सिड्नीको बाक्लो नेपाली बस्ती भएको काउन्सिलका रुपमा परिचित अर्वनको रेल्वे स्टेशन अगाडि रहेको साइनो रेस्टुरेन्ट भर्खरै एक साताअघि मात्र उनिहरुले किनेका हुन । अर्काको लागि काम गर्दा गर्दै वाक्क भएका यी नेपाली युवा यतिखेर आफुले नै केहि गर्नुपर्छ भनेर यो ब्यबशायमा आएको बताउछन । करिब ८० जना ग्राहकलाई एकै पटक सर्भिस दिन सक्ने साइनोको बिशेषता भनेको नेपाली तथा भारतिय स्वादका खानाहरुनै हुन,खानाका पारखी लाक्पा शेर्पाले सुनाए । तन्दुर रोटी , थकाली खाना अनि मम, चाउमिन तथा तिब्बतप्यन स्वादहरु प्नि साइनोका नया बिषेशता हुन । नेपाली समाज बाक्लीदै जांदा हाम्रो स्वाद खोज्नेहरुको भिड पनि बढेको महसुस गरेको कारण यो पेशामा लागेको शेर्पाले बताए । सानोतिनो पार्टी तथा भोजको लागि उपयुक्त स्थानका रुपमा साइनो रहेको र आगामी दिनमा बार्बीक्युको ब्यवस्थापन गर्न लागेको सुरजले बताए । यो ब्यवशायमा सुरजकी पत्नी सृजना सुनुवार र लाक्पाकी श्रीमती निमा शेर्पाले पनि उनिहरुलाई सहयोग गरिरहेका छन । ‘स्वादीष्ट खाना र आतिथ्यतानै हाम्रो पहिलो उद्देस्य हुने छ , किनभने ग्राहकलाई सुलभ मुल्यमा उत्तम भोजनको सेवा दिन सकेमा मात्र यो ब्यवशाय सफल हुनसक्छ,’ सुरजले आफ्नो उद्देस्य प्रष्ट पारे ।