अन्य
सुनौली नाकाबाट ट्रक र ट्यांकर नेपाल भित्रिए
बुधबार, असोज १३, २०७२
बुटवल । भारतको सुनौली नाकाबाट इन्धन बोकेका तथा मालबाहक ट्रकहरु नेपाल भित्रन थालेका छन् । आज मध्यान्ह भारतीय भन्सार प्रमुख, सुनौली इलाकाका एसएसबी प्रमुख, भारतीय प्रहरी प्रमुख र नेपालको तर्फबाट सीमावर्ती भन्सार प्रतिनिधि, प्रहरी अधिकारी, भन्सार राजश्व प्रहरी गस्ती प्रहरीबीच भारतमा भएको बैठकपछि सवारीसाधनलाई प्रवेश दिइएको हो । भारतीय भूमीमा लामबद्ध भएका ट्रकहरु नेपाल भित्रिरहेका छन् । जसमा इन्धन बोकेका ट्रक, खाद्यन्न बोकेका ट्रकहरु नेपाल छिरिरहेका छन् । ४ वटा बुलेट, ४ वटा पेट्रोलियम पदार्थ बोकेका तथा अरु खाद्यन्न बोकेका ट्रक नेपाल भित्रिएका छन् । लाइनमा बसेका सबै सवारीसाधनलाई क्रमशस् छिराउने बैठकमा निर्णय भएको थियो । आज भैरहवाको अवस्था शान्त छ । सर्वसाधारणको चहलपहल बढेको छ । दुवै तर्फ सुरक्षाकर्मीको बाक्लो उपस्थिति रहेको छ ।
प्रकाशित मिति: बुधबार, असोज १३, २०७२
प्रतिक्रिया दिनुहोस्
