वार्ता संविधान निर्माण प्रक्रिया एकैसाथ लैजाने कांग्रेसको निर्णय

काठमाडौं । नेपाली कांग्रेसले संविधान निर्माण जारी प्रक्रिया नरोक्ने निर्णय गरेको छ । प्रधानमन्त्री निवास वालुवाटारमा बसेको नेपाली कांग्रेसका पदाधिकारीको बैठकले संविधान निर्माणको जारी प्रक्रिया नरोक्ने निर्णय गरेको छ । मुख्य दलहरुले आन्दोलनरत पक्षसंग वार्ताका लागि जारी प्रक्रिया दुई दिनका लागि रोकेको थिए । दुई दिन रोकिएको संविधान निर्माण प्रक्रिया आजबाट फेरि सुचारु हुने बताइएको छ । प्रक्रिया सुचारु गर्नका लागि आज संविधानसभाको बोलाइएको छ । पदाधिकारी बैठकपछि नेपाली कांग्रेसका उपभापति रामचन्द्र पौडेलले संविधान निर्माणको जारी प्रक्रिया नरोकिने बताए । उनले भने– ‘संविधान निर्माणको जारी प्रक्रिया दुई दिनका लागि स्थगित गरिएको हो अब प्रक्रिया सुचारु हुन्छ, उहाँहरु आउनुभयो भने वार्तालाई पनि संगै अगाडि बढाउने हो ।’ संविधानसभामा आजबाट मतादान प्रक्रिया सुरु हुने बताइएको छ ।