अन्य
‘मकैबारीमा पुर्याएर मारिए प्रहरी’
मंगलबार, भदौ ८, २०७२
काठमाडौं । टिकापुर घटनाबारे स्थानीय प्रत्यक्षदर्शी चित्रबहादुर चौधरीले आन्दोलनकारीहरूले प्रहरीलाई मकैबारीमा पुर्याएको मारेको बताएको छन् । म घरमै बसेर बंगुरलाई चारो हाल्न जाँदै थिएँ। घर नजिकको खेतमा लाठी बोकेका आन्दोलनकारीले प्रहरीलाई लखेटेको देखेँ।
प्रहरी भाग्दै थिए,आन्दोनकारी खेदाउँदै थिए। मेरो घरबाट १५र२० मिनेट टाढा झडप भएको ठाउँ हो। पर गोली चलेको आवाज पनि सुनिन्थ्यो। अश्रुग्यासको धुँवा पनि देखिन्थ्यो। केही प्रहरी मकैबारीमा लुकिरहेका थिए। आन्दोलनकारीले प्रहरीलाई लखेटेको देखेपछि बच्चा लिएर घरभित्र पसेँ।
अनि खाटमुनी लुकेर बस्यौ। प्रहरीले आफूलाई केही नगर्न आग्रह गरिरहेका थिए। केही समयपछि दुई जना प्रहरीको मकैबारीमा हत्या भएको रहेछ। प्रहरी आएर उनीहरूको लास लिएर गए। खेतमा प्रहरी ड्रेस फालिएको थियो। आन्दोलनकारी ‘गाउँ पसे प्रहरीको खुट्टा भाँच्छौ’ भन्दै थिए।
प्रहरीले मृत्यु भएका साथी र खेतमा फालिएका युनिफर्म लिएर फर्किए। आन्दोलनकारी आफ्नो बाटो लागे। आजको कान्तिपुर दैनिकमा समाचार छ ।
प्रकाशित मिति: मंगलबार, भदौ ८, २०७२
प्रतिक्रिया दिनुहोस्
साताको लोकप्रीय
