आइतबार बिहान परकम्पको धक्का

काठमाडौं । वैशाख १२ मा गएको विनाशकारी भूकम्पपछि परकम्प जाने क्रम अझै रोकिएको छैन। आइतबार बिहान पनि ४।१ रेक्टरस्केलको परकम्प गएको छ। बिहान ७ बजेर ५५ मिनेट जाँदा सिन्धुपाल्चोक इचोक आसपास केन्द्रविन्दू भएको परकम्प गएको राष्ट्रिय भूकम्प मापन केन्द्रले जनाएको छ। वैशाख १२ को ७.६ रेक्टरस्केलको भूकम्पपछि अहिलेसम्म ४ रेक्टरस्केल वा त्यसमाथिका ३७० भन्दा बढी परकम्प गएको केन्द्रले जनाएको छ।