न्युजिल्याण्डमा आगलागी, एकै परिवारका ३ नेपालीको मृत्यु

काठमाडौं । न्युजिल्याण्डमा भएको आगलागीमा एकै परिवारका ३ जना नेपालीको मृत्यु भएको छ । न्युजिल्याण्डको वाइमेट जिल्लासिथत एक घरमा आगलागी हुदाँ त्यहाँ बसेका तेज काफ्ले , उनकी पत्नी टीका र छोरा प्रेमको मृत्यु भएको हो । काफ्ले परिवारले सोही घरको तल्लो तलामा रेष्टुरेन्ट चलाउँदै आएको थियो । आगलागीपछि काफ्लेका ३ छोरीहश्र भने घरबानिस्कन सफल भएका छन् । यसैबीच यो दुखद घटनाले न्यूजिलाण्डवासी सम्पूर्ण नेपालीलाई मर्माहत भएका छन्। आावासीय नेपाली संघ न्यूजिल्याण्डको अनुरोधमा ट्वाइजल, ओमरु, पालमर्सन नर्थ, र क्राइष्टचर्च आदि विभिन्न स्थानहरुवाट शोकसंतप्त परिवारको हेरविचारका लागि एन आर एन न्युजिल्याण्डका कोअर्डिनेटर तेज भट्टराई, सदस्यहरु गोकुल भण्डारी, घनश्याम सापकोटा, ध्रुब खनाल, बुद्दिसागर घिमिरे लगायत थुप्रै सुभचिन्तकहरु क्राइष्टचर्चमा जम्मा भएका छन्। आगलागि पीडित काफ्ले परिवारलाई सहयोग गर्न स्थानीय काउन्सिल र नेपाली समुदाय सकृय भएका छन्। सहयोगको लागि बैक खाता पनि खोलीएको छ। नागरिक दैनिकमा समाचार छ ।