जनमत संकलनका लागि प्रधानमन्त्री कोइराला दाङमा साउन

काठमाडौं । प्रधानमन्त्री सुशील कोइराला जनमत संकलनका लागि आज दाङ पुगेका छन् । जनमत संकलनका लागि गृहजिल्ला बाँके पुगेका प्रधानमन्त्री कोइराला आज जनमत संकलन कार्यक्रममा सहभागी हुनका लागि दाङ पुगेका हुन् । दाङको जनमत संकलनमा सहभागि हुन पुगेको प्रधानमन्त्री कोइरालाले अहिलेसम्म भएका आन्दोलनका उपलब्धी संस्थागत गर्दै लोकतान्त्रिक संविधान नै बन्ने उनले ठोकुवा गरे । उनले भने–‘अहिले संविधान निर्माणका लागि सुन्दर मौका छ, राम्रो कामका लागि सबै एक जुट हुनुपर्छ ।’ प्रधानमन्त्री कोइरालाले आफूले वैद्य माओवादी र मधेशी दलका असन्तुष्ट नेताहरुलेसँग पनि कुरा गरिरहेको बताउदै अहिलेको समय विरोध र हडताल गर्ने समय नभएको स्पष्ट पारे । जनताले शान्ति र अमन चयन खोजेकाले अहिले आन्दोलन तथा ढुङ्गामुढा गर्ने समय नभएको प्रधानमन्त्रीको भनाई थियो । ‘सबै दलहरु लोकतन्त्रको छातामुनी छौं,’ प्रधानमन्त्रीले भने– ‘अब पनि आन्दोलन भए उपलब्धी गुम्ने खतरा रहन्छ ।’ ढुङ्गामुढा गरेर जनतालाई न धम्काउन आग्रह गर्दै उनले जनताले त्यो नचाहेको दोहो¥याए ।