रौतहटमा पुर्वप्रधानमन्त्री नेपालमाथि कुर्सी प्रहार, रंगशालामा राप्रपा नेपालको अवरोध

काठमाडौं । संविधानको पहिलो मस्यौदामा जनताको राय सुझाव संकलन कार्य आज देशैभर भइरहेको छ । हालसम्म सुझाव संकलन कार्यमा रौतहटमा एमाले नेता पुर्व प्रधानमन्त्री माधव नेपाल सहभागि कार्यक्रममा संघीय सदभवना पार्टीको अगुवाई बिरोध प्रर्दशन र पुर्व प्रधानमन्त्री नेपालमाथि कुर्सी प्रहार भएको छ । रौतहटमा सुरक्षाकर्मी र प्रर्दशनकारीका बीचमा झडप समेत भएको । यसैगरि काठमाडौं क्षेत्र नम्बर १ को दशरथ रंगशालामा भएको सुझाव संकलन कार्यमा समेत राप्रपा नेपालले अवरोध पु¥याउने प्रयास गरेको छ । तर रंगशालामा सुझाव संकलन कार्य भइरहेको छ । रंगशाला बाहिर राप्रपा नेपालका कार्यकर्ताहरुले नारावाजी गरिरहेका छन् । यसैबीच संविधानसभा निर्वाचन र सुझाव संकलन कार्य समेत बहिष्कार गरेको नेकपा–माओवादीका नेता कार्यकर्ताले किर्तीपुरमा सुझाव संकलन कार्यमा सहभागिता जनाएका छन् । यसैगरि ओखलढुंगामा पनि बैद्य माओवादी र संघीय फोरम नेपालका नेता कार्यकर्ताले सुझाव संकलन कार्यमा सहभागिता जनाएका छन् ।