पुष्पकमल दाहाल पछि देउवा पनि दिल्ली जाँदै

काठमाडौ। नेपाली कांग्रेसका वरिष्ठ नेता एवम पूर्व प्रधानमन्त्री शेरबहादुर देउवा पनि भारत जाने भएका छन । उनी साउन १५ गते भारतको नयाँ दिल्ली जाने कार्यक्रम तय भएको छ । संविधान निर्माण प्रक्रियाले गति लिइरहेको बेला भारत सरकारको निम्तोमा देउवा भारत जाने तय भएको हो। अरू दलका शीर्ष नेता पनि भारत जाने तयारीमा छन् । देउवाका सहयोगी भानु देउवाले भात जाने तयारी भएपनि मिति तय नभएको बताए । एमाओवादी अध्यक्ष पुष्पकमल दाहाल असार २९ गते नयाँ दिल्ली जाँदैछन् । उनी साउन ३ गते फर्कने कार्यक्रम छ। भारतीय विदेशमन्त्री सुषमा स्वराजसहित उच्चपदस्थ पदाधिकारीसँग दाहालको भेटवार्ता कार्यक्रम तय भइसके पनि थप जानकारी गराइएको छैन। प्रमुख दलबीच भएको १६ बुँदे सहमति र संविधानको प्रारम्भिक मस्यौदाप्रति असन्तुष्ट तराई–मधेस केन्द्रित ४ दलका अध्यक्षहरू पनि दिल्ली भ्रमणका लागि प्रयास गरिरहेका छन्। भारतीय दूतावास स्रोतअनुसार भारत सरकारले प्रमुख दलका शीर्ष नेतालाई प्राथमिकतामा राखेर दिल्ली भ्रमणको निम्तो दिएको हो।