नयाँ संविधानको एकीकृत मस्यौदा तयार

काठमाडौं । प्रमुख दलहरुबीच देखिएका विवाद मिलाएर मस्यौदा समिति अन्तरगतको एकीकृत मस्यौदा लेखनका लागि बनेको कार्यदलले आज एकीकृत मस्यौदा समितिलाई बुझाउदै छ । विवाद मिले सहमतिसहितको र नमिले असहमति सहितको मस्यौदा कार्यदलले समितिलाई बुझाउनेछ । कार्यदलबाट संविधान मस्यौदा समितिले आज नयाँ संविधानको प्रारम्भिक मस्यौदा पाउनेछ । बिहान बैठक बसेर दिउँसो समितिको बैठकमा मस्यौदा बुझाउने तयारी छ । मस्यौदा लेखनका लागि गठित कार्यदलले बिहानसम्म मस्यौदा तयार पारी साँझ ५ बजे बस्ने समिति बैठकमा पेस गर्ने तयारी गरेको कार्यदलका सदस्य रमेश लेखकले जानकारी दिए । उनका अनुसार अधिकांस विवाद मिलेको र नमिलेका विषय आज मिलाइने छ । प्रस्तावित संविधानमा करिब ३५ भाग तय भइसकेको छ भने तीन सयभन्दा बढी धाराहरू हुनेछन् । कार्यदलले विवाद रहेका विषयलाई शीर्ष तहमा समेत छलफल गरेर समाधान गर्दै मिल्न नसकेका विषयलाई पछि मिलाउने गरी मस्यौदा गरेको छ । बहुलवाद, संरचना निर्धारण, संक्रमणकालमा संवैधानिक निकायका पदाधिकारीको पुनर्नियुक्ति हुने–नहुने विषयमा मतभेद छ । प्रस्तावनाको बहुलवाद शब्द राख्नेरनराख्ने विषयको विवाद संवाद समिति हुँदै मस्यौदासम्म मिलेको छैन ।