अन्य
जापानले २६ अर्ब रुपैयाँ सहयोग गर्ने
बिहीबार, असार १०, २०७२
काठमाडौं । जापान सरकारले नेपालको पुननिर्माणमा २६ अर्व रुपैयाँ सहयोग गर्ने घोषणा गरेको छ । भुकम्पपछिको पुनस्थापना र पुननिर्माणमा सहयोग जुटाउन काठमाडौंमा भएको अन्तराष्ट्रिय दाता सम्मेलनलाई सम्बोधन गर्दै जापानी बिदेश राज्यमन्त्री मिनोरु कियुची ले यस्तो घोषणा गरेका हुन् । आगामी तीन बर्षमा उपलब्ध गराइने यस्तो सहयोगको प्राथमिकता भूकम्प प्रतिरोधी बिद्यालय निर्माण र दोस्रो प्राथमिकतामा भूकम्प प्रतिरोधी आवास निर्माण रहेको उनले बताए । जापानमा बिनासकारी भूकम्प जाँदा नेपाल सरकारले गरेको सहयोग र जापानमा बसोबास गरिरहेका नेपाली समुदायको सहयोगबाट जापान सरकार नतमस्तक रहेको भन्दै मन्त्री कियुचीले सोही कारण पनि जापानले नेपालको वितपका बेला सहयोग गर्ने अग्रसरता देखाएको बताए ।
पुनःनिर्माणका लागि अन्तराष्ट्रिय सहयोग जुटाउने उदेश्यले दोस्रो सम्मेलनको आयोजना गरिदिन समेत तयार रहेको उनले बताए ।
प्रकाशित मिति: बिहीबार, असार १०, २०७२
प्रतिक्रिया दिनुहोस्
साताको लोकप्रीय
