संविधानको एकीकृत मस्यौदाको विवाद टुंगो लगाउन चार दल बस्दै

काठमाडौँ । संविधानको एकीकृत मस्यौदा बनाउने क्रममा देखिएको विवाद समाधान गर्न आज प्रमुख चार दलको बैठक बस्दैछ । बिहान ११ बजे बैठक बसेर संविधानको एकीकृत मस्यौदा बनाउने क्रममा देखिएको विवादबाट निश्कर्ष निकाल्ने चारदलबीचका शीर्ष नेताबीच समझदारी भइसकेको छ । मंगलवार साँझ प्रधानमन्त्री निवास बालुबाटारमा बसेको बैठकमा विवादित विषयमाथि छलफल भए पनि अन्तिम रुप दिन समय लाग्ने भएकाले बुधबार बिहान बैठक बसेर टुंगो लगाउने नेताहरुले बताएका छन् । विस्तृत रुपमा छलफल गर्नुपर्ने भएकाले आज बिहान बसेरे टुंगो लगाउने विषयमा छलफल भएको हो । बैठकमा मस्यौदा समितिमा भएको कामका बारेमा समितिको कार्यदलका तर्फबाट प्रमुख पार्टीका शीर्ष नेतालाई ब्रिफिङ गरिएको र तोकिएकै समयमा मस्यौदालाई निर्माणको काम भइरहेको जानकारी दिइएको थियो । मस्यौदा समितिको टोलीले केही विषयमा नेतृत्व तहमा छलफल गरेर निचोड निकाल्नुपर्नें अनि मात्रै काम तीव्र रुपमा अघि बढाउन सकिन्छ भन्दै शीर्ष नेताहरुलाई आग्रह गरेको थियो । आज चार दलका एक÷एक शीर्ष नेता र मस्यौदा समितिका कार्यदलमा कार्यरत एक÷एक जना सदस्य बसेर छलफल गर्ने समझदारी भएको छ ।