रामेछापमा चट्याङले एकको मृत्यु, दुई घाइते

रामेछाप । रामेछापको दोरम्बार टोकरपुर गाविसमा आइतबार साँझ परेको चट्याङले लागेर एक जनाको मृत्यु भएको छ भने दुई जना घाइते भएका छन् । चट्याङमा परी टोकरपुर– ४ का ७० वर्षीय सन्तबहादुर थापा मगरको मृत्यु भएको हो । स्थानीय खोलामा पानी फर्काउन गएका उनको एकै साथ चलेको हावा हुरी र चट्याङको कारण मृत्यु भएको प्रहरीले जनाएको छ । यसै गरी दोरम्बा गाविस – ८ ढोइगाउँमा सोही समयमा परेको चट्याङको कारण २ जना महिला गम्भीर घाइते भएका छन् । घाइते हुनेमा ४० वर्षीया भक्तिमायाँ थापा मगर र १६ वर्षीया दीलमायाँ थापा मगर रहेका छन् ।