रूकुम केन्द्रबिन्दु बनाएर ५. ४ रेक्टर स्केलको भूकम्प

काठमाडौं । रूकुमलाई केन्द्रबिन्दु बनाएर ५. ४ रेक्टर स्केलको भूकम्प गएको छ। साँझ ६ बजेर ८ मिनेटमा भूकम्प गएको राष्ट्रिय भूकम्प मापन केन्द्रले जनाएको छ। केन्द्रका प्रमुख लोकविजय अधिकारीका अनुसार रूकुमको राम्सी र कोलको उत्तरतिर केन्द्रबिन्दु भएर गएको हो।सो भूकम्पको धक्का राजधानीसम्म पनि महशुस गरिएको थियो। यो भूकम्प गत बैशाख १२ गते गएको भूकम्पको पराकम्पन भने होइन । गोरखा भूकम्पपछि नेपालको पश्चिम भागमा गएको यो तेस्रो भूकम्प हो । यसअघि हुम्लामा २ पटकसम्म भूकम्प गएको थियो । यसअघि आज बिहान २ बजेर ४० मिनेटमा गोरखा र धादिङलाई केन्द्रबिन्दु बनाएर भूकम्प गएको थियो।