आज बिहानै चार भुकम्पका धक्का, सिन्धुपाल्चोक केन्द्र बनाएर ५.१ को पराकम्प

काठमाडौं । सिन्धुपाल्चोकलाई केन्द्र विन्दु बनाएर ५.१ रेक्टरस्केलको पराकम्पन गएको छ । बिहान ८ बजे सिन्धुपाल्चोक र तिब्बतीबीचको भूभागलाई केन्द्र बनाएर ५.१ रेक्टरस्केलको पराकम्पन गएको राष्ट्रिय भूकम्प मापन केन्द्रले जनाएको छ । बुधबार मात्रै चार पटक भूकम्पका पराकम्पन गएका छन् । त्यसमध्ये तीन पटक सिन्धुपाल्चोकलाई केन्द्र विन्दु बनाएर कम्पन भएको केन्द्रले जनाएको छ । बिहान ५ बजेर ५८ मिनेट जाँदा काठमाडौंको कीर्तिपुरलाई केन्द्र विन्दु बनाएर ४.४ रेक्टरस्केलको पराकम्पन गएको छ । त्यस्तै ६ बजेर १४ मीनेट जाँदा सिन्धुपाल्चोकलाई केन्द्र बनाएर ५.२ रेक्टरस्केलको तथा सिन्धुपाल्चोकलाई नै केन्द्र बनाएर ६ बजेर २६ मिनेटमा ४ रेक्टरस्केलको पराकम्पन गएको केन्द्रले जनाएको छ । यसअघि मंगलबार राति नौ बजेर ५६ मीनेटमा दोलखालाई केन्द्र विन्दु बनाएर ४.१ म्याग्निच्यूटको पराकम्पन गएको थियो । गत वैशाख १२ गते गएको भूकम्पपछि त्यसका पराकम्पन आउनेक्रम जारी छ ।