१६ बुदे सहमतिप्रति असन्तुष्ट पाँच दल बालुवाटारमा

काठमाडौ । १६ बुदे सहमतिप्रति असन्तुष्ट पाँच दल बालुवाटार पुगेका छन् । बिहान राष्ट्रपति रामवरण यादवलाई ज्ञापनपत्र दिन पुगेका उनीहरुलाई प्रधानमन्त्री सुशील कोइरालाले पाँच बजेका लागि भेट्न आमन्त्रण गरेअनुसार उनीहरु बालुवाटार पुगेका छन् । उपेन्द्र यादव नेतृत्वको फोरम नेपाल, अशोक राई नेतृत्वको संघीय समाजवादी, राजेन्द्र महतोको सद्भावना, महन्थ ठाकुरको तमलोपा, महेन्द्र यादवको मधेस राष्ट्रिय समाजवादी पार्टी बालुवाटार पुगेका हुन् । ‘अब प्रधानमन्त्रीले नै बोलाइसकेपछि नाइँ भन्ने कुरै भएन,ु संघीय समाजवादी अध्यक्ष अशोक राईले भने, ‘सहमति सच्याउन र संविधानसभाको प्रक्रिया सच्याउन माग गर्नेछौं ।’ उनका अनुसार बालुवाटार पुग्नेमा पाचै दलका शीर्ष नेताहरु छन् ।