आजपनि संवाद समितिको बैठक बस्दै

काठमाडौँ । मुख्य राजनीतिक दलहरुका बीचमा १६ बुँदे सहमति भएपछि संविधानका विवादीत विषयमा सहमति गर्ने जिम्मा पाएको संवैधानिक राजनीतिक संवाद तथा सहमति समितिको बैठक आजपनि बस्दै छ । संविधानसभाले समितिलाई भोली सहमति सवै विषयमा सहमति गरेर संविधानसभामा प्रतिवेदन बुझाउनका लागि समय दिएको छ । संविधानका विवादीत बिषयमा सहमति जुटाउने जिम्मा पाएको समितिले हिजोबाटै काम अगाडि बढाएको छ । हिजोको बैठकले संविधानका विवादित विषयमा पर्याप्त सहमति जुटाएर एकीकृत प्रतिवेदन तयार पार्ने निर्णय गरेको थियो । आज बिहान ११ वजेपछि सिंहदरवारमा बस्ने बैठकले १६ बुँदे सहमतिका आधारमा सहमति जुटाउने र सो सहमतिमा असहमत रहेका दल तथा सभासद्का धारणालाई पनि सो प्रतिवेदनमा समावेश गरेर पठाइने समितिका सभापति डा बाबुराम भट्टराईले बताए । दलहरूबीच सोमबार भएको सहमतिलाई समितिले एकीकृत प्रतिवेदन बनाएर संविधानसभाको बैठकमा पेस गर्ने उनले जानकारी दिए ।