देशभर गर्मी बढ्दो, जनजीवन प्रभावित

काठमाडौं । राजधानी लगायत देशभरी तापक्रम बढ्दै गएपछि गर्मीका कारण जनजीवन नै प्रभावित बन्न थालेको छ । तराईका जिल्लामा तातो हावा चाल्दा जनजीवन नै प्रधावित भएको छ । जल तथा मौसम पूर्वानुमान महाशाखाका अनुसार हिजो ३५ डिग्री पुगेको काठमाडौंको तापक्रम अमाज पनि त्यही हाराहारीमा पुग्ने अनुमान छ । मौसमविद् बरुण पौडेलले आज पनि ३३ देखि ३५ सम्म तापक्रम रहने बताए । उनले गर्मी अझै केही बढ्न सक्ने बताए । तराईका जिल्ला बाँके, भैरहवा पनि गर्मी अत्याधिक बढेको छ । हिजो सबभन्दा बढी भैरहवामा ४३.३ डिग्री रेकर्ड भएको महाशाखाले जनाएको छ । यस्तै, दिपायलमा ४१.५, धनगढीमा ४१.३, नेपालगञ्जमा ४२.६, वीरेन्द्रनगरमा ३९.२, दाङमा ३८.२ र सिमरामा ३९.८ डिग्री सेल्सियस रेकर्ड भएको थियो । आज पनि त्यसको नजिक रहेका तापक्रम देखिनेछ । पूर्वी तराईका जिल्लामा पनि गर्मी बढेको छ । मौसम विद् पौडेलले पानी पर्ने सम्भावना अझै नदेखिएको र मनसुन सुरु हुन केही लाग्ने बताए ।