दाता सम्मेलनको लागि ६५ मुलुकलाई पत्राचार

काठमाडौ । आगामी असार १० गते काठमाडौंमा आयोजना हुने दाता सम्मेलनको मिति नजिकिदै गर्दा हालसम्म ६५ दातृ मुलुक तथा निकायहरुमा निम्तो पठाइएको छ । अर्थ मन्त्रालयका अनुसार पराम्परागत दातामुलुक तथा निकायहरुका अतिरिक्त उद्दार तथा राहत कार्यमा संलग्न नयाँ दाताहरु समक्ष समेत निम्तो पठाइसकिएको छ । सम्मेलनको तयारीको क्रममा सम्मेलनको संयोजक रहेका अर्थमन्त्री डा. रामशरण महतले भारत, चीनका राजदूत लगायत सम्मेलनमा सहभागी हुन आउने अधिकांश मुलुकका राजदूतहरु समक्ष भेटघाट तथा छलफल गरिसकेका छन् । नेपालमा रहेका स्थानीय विकास साझेदार संस्थाहरुका प्रतिनिधिहरु तथा द्विपक्षीय दातामुलुकहरु समक्ष दुईपटक विशेष वैठकहरु भैसकेका छन भने उनीहरुसँग थुप्रै अनौपचारिक बैठकहरु समेत सम्पन्न भैसकेका छन । हरेक बेठकहरुमा अर्थमन्त्री तथा सम्मेलन संयोजक डा महतले बहुपक्षीय दातृ निकाय तथा दाता मुलुकहरुबाट उच्च नेतृत्वको सहभागिताका लागि आग्रह गरेका छन् । नेपालमा गत वैशाख १२ गते गएको भूकम्पले पु(याएको धनजनको क्षतिप्रति सहानभूतिशील बनेका दाताहरुले सोही अनुसारको सहभागिताको आश्वासन दिएका छन ।नेपालको पुनर्निर्माणका लागि ५ देखि १० खर्ब रुपैयाँ सम्म पुँजीको आवश्यकता रहेको प्रारम्भिक अनुमान रहेको छ भने आगामी पाँच बर्षभित्रमा सरकारले विनाश भएका सम्पूर्ण संरचनाहरुको पुनर्निर्माण गर्ने लक्ष्य राखेको छ । पीडीएनए आइसकेपछि पुनर्निर्माणका लागि आवश्यक पर्ने वास्तविक रकमबारे स्पष्ट जानकारी हुनेछ । सम्मेलन सफल बनाउने तयारीको क्रममा शुक्रबार अर्थमन्त्री डा रामशरण महत र नेपालका लागि जापानका राजदूत मासासी ओगावाबीच अर्थमन्त्रालयमा छलफल भयो । भूकम्पपछिको पुनर्निर्माणका लागि आवश्यक पर्ने रकमको मूल्यांकन प्रतिवेदन ९पीडीएनए० अर्कोहप्ता सम्ममा तयार हुने जानकारी दिदै उनले शुभेच्छुक मित्रराष्ट्रका हैसियतले जापान सरकारबाट नेपालले ठूलो अपेक्षा राखेको बताए । जापानले नेपालको विकासमा पु¥याएको योगदानको चर्चा गर्दै अर्थमन्त्री डा महतले यो विपद्को अवस्थामा अझ ठूलो सहयोग आवश्यक भएकोमा जोड दिएका थिए । सो अवसरमा जापानी राजदूत ओगावाले आगामी असार १० गते हुने सम्मेलनकै क्रममा जापानले सहयोगको घोषणा गर्ने जानकारी दिए । उनले सकेसम्म बढी सहायता उपलब्ध गराउन पहल गरिने जानकारी पनि दिए ।