आज अपराह्न सवा एक बजे ४.५ रिक्टरको पराकम्पन

काठमाडौं । आज अपराह्न १ बजेर १५ मिनेट जाँदा सिन्धुपाल्चोक केन्द्रबिन्दु भएर ४.५ रिक्टर स्केलको पराकम्पन गएको राष्ट्रिय भूकम्प मापन केन्द्रले जनाएको छ । नजिक केन्द्रबिन्दु भएकाले काठमाडौँ उपत्यकामा भूकम्पको धक्का बढी महसुस भएको केन्द्रका प्रमुख लोकविजय अधिकारीले बताए । यसअघि मध्याह्न १२ बजेर ३ मिनेट जाँदा दोलखा केन्द्रबिन्दु भएर ४.२ रिक्टर स्केलको पराकम्पन गएको थियो । हालसम्म चार रिक्टर स्केलभन्दा माथिका २७३ वटा पराकम्पन गएको केन्द्रले जनाएको छ । पछिल्लो समय भूकम्पको पराकम्पन घटेसँगै जनजीवन सामान्य बन्दै गएको छ । भूकम्पको त्रासदीले खुलास्थानमा बसेका सर्वसाधारण आ–आफ्नो बासस्थानतर्फ फर्किसकेका छन् ।