अन्य
मुलुक विपत्तीमा परेकारले गणतन्त्र दिवसको चियापान नहुने
आइतबार, जेठ १०, २०७२
काठमाडौं । मुलुकमा गणतन्त्र स्थापनापछि प्रत्येक वर्ष जेठ १५ गते गणतन्त्र दिवसका अवसरमा राष्ट्रपति डा रामवरण यादवले आयोजना गर्ने स्वागत तथा जलपान समारोह यसवर्ष नहुने भएको छ । गत वैशाख १२ गते गएको विनाशकारी भूकम्प र त्यसपछिका ठूला पराकम्पनले मुलुकमा ठूलो जनधनको क्षति भएको दुःखद् अवस्थामा यस वर्ष गणतन्त्र दिवसमा स्वागत तथा जलपान समारोह आयोजना नगरिने राष्ट्रपतिका प्रेस सल्लाहकार राजेन्द्र दाहालले बताए।
विसं २०६५ जेठ १५ गते तत्कालीन संविधानसभाले विधिवत् रुपमा राजतन्त्र अन्त्य भएको घोषणा गर्दै गणतन्त्र घोषणा गरेपछि हरेक वर्ष जेठ १५ गते विभिन्न कार्यक्रमका साथ गणतन्त्र दिवस मनाइँदै आइएको छ ।
प्रकाशित मिति: आइतबार, जेठ १०, २०७२
प्रतिक्रिया दिनुहोस्
साताको लोकप्रीय
