आज बिहान पनि गए भुकम्पका दुई धक्का

काठमाडौं । महाबिनासकारी भुकम्पपछि प्रतिकम्पनका धक्का जाने क्रम अझै रोकिएको छैन । प्रतिकम्पनका धक्का घटे पनि आइतबार बिहान पनि दुई धक्का गएको राष्ट्रिय भुकम्प मापन केन्द्रले जनाएको छ । केन्द्रका अनुसार आइतबार बिहान ६ बजेर ३४ मिनट जाँंदा सिन्धुपाल्चोक केन्द्र बिन्दु भएको ४ दशमलव ४ रेक्टरस्केलको भुकम्पको धक्का गएको थियो । त्यस्तै राती १ बजेर ५० मिनट जाँंदा सिन्धुपाल्चोक–तिब्बत केन्द्रबिन्दु भएको ४ दशमलव २ रेक्टोस्केल मापन गरिएको भुकम्प गएको थियो । केन्द्रका अनुसार शनिबार भने ४ दशमलव माथिको एउटा मात्र भुकम्प गएको थियो । शनिबार राती ३ बजेर ८ मिनट जाँंदा रसुवा केन्द्र बिन्दु भएको ४ दशमलव १ रेक्टोस्केलको भुकम्प गएको थियो । गत बैशाख १२ गतेपछि शनिबार सबैभन्दा कम भुकम्प गएको हो ।