अन्य
खानेपानीको समस्या भोलिबाट सहज घरको धारामै आउन भने केही दिन लाग्ने
बुधबार, वैशाख १६, २०७२
काठमाडौं । भुकम्पपछि राजधानीमा देखिएको खानेपानीको समस्या भोलिबाट सहज हुने भएको छ । काठमाडौं उपत्यका खानेपानी लिमिटेडले उपत्यका खानेपानी स्रोत ट्यांकर व्यवसायी संघ लगायतका सरोकारवाला निकायसँग समन्वय गरेर खानेपानीको व्यवस्था गरिरहेको छ । राजधानीका विभिन्न स्थानमा बसेका सर्वसाधारणलाई खानेपानी वितरण गर्न २ सय ५० भन्दा बढी ट्याङकर परिचालन गरिएको उपत्यका खानेपानी स्रोत ट्यांकर व्यवसायी संघका अध्यक्ष विष्णु रिमालले जानकारी दिए । जार र मिनिरल वाटरको पनि अभाव छ । ललितपुरको लागि सातदोबाटो, काठमाडौंका लागि चोभार जोरपाटी तथा भक्तपुरका विभिन्न स्थानमा खानेपानीका लागि अस्थायी कार्यालय खोलिएको छ ।
घरको धारामा नै भने पानी आउन केही दिन अझै लाग्ने काठमाडौं उपत्यका खानेपानी प्राधिकरणले जनाएको छ र भुकम्पका कारण खानेपानीको पाइपहरु फुटेका कारण पानी धारामा छोड्न नसकिएको हो । साथै सेना, प्रहरी, सशस्त्र प्रहरीले पनि आफूसँग भएका ट्यांकरबाट पानी वितरण गर्दै आइरहेका छन् ।
प्रकाशित मिति: बुधबार, वैशाख १६, २०७२
प्रतिक्रिया दिनुहोस्
साताको लोकप्रीय
