धरापमा परेको वायु सेवा निगम खर्चमा मन्त्री डुलेको डुल्यै

काठमाडौं । पर्यटन मन्त्री बनेको आठ महिना नवित्दै दिपकचन्द्र अमात्य नेपाल बायुसेवा निगमको खर्चमामात्र चार पटक भ्रमणमा निस्किसकेका हुन् । आफ्नो मन्त्रालय मातहतका निकायहरु प्रमुख विहीन भएर बेवारिसे तालमा चलिरहेका बेला आमात्य पछिल्लो पटक हङकङ उडेका हुन् । एक महिनाभित्र निगमको खर्चमा उनले हङकङ उडान गरेको यो दोस्रो पटक हो । पयर्टन क्षेत्रका स्तम्भ मानिने पर्यटन बोर्ड, निगम र नागरिक उड्डयन प्राधिकरण प्रमुखविहीन छन् । तिनको बैकल्पिक उपाय दिन नसकिरहेका आमात्यले स्टेशन निरीक्षण गर्ने बाहानामा मंगलबार फेरी हङकङ गएका हुन् । एक महिनाअघि चीनजादा हङकङसमेत गएका थिए । चैत्रको अन्तिम सातामात्र उनी बैंकक गएका थिए । एयर बस ल्याउने बहानामा उनी श्रीमतिसहित माघको तेस्रो साता जर्मनी गएका थिए । निगम स्रोतअनुसार उनले निगमकै खर्चमा दिल्ली, दोहा र क्वालालाम्पुर भ्रमण गर्ने तय भईसकेको छ ।