अन्य
परराष्ट्रमन्त्री पाण्डे आज जकार्ता जाँदै
शनिबार, वैशाख ५, २०७२
काठमाडौ । परराष्ट्रमन्त्री महेन्द्रबहादुर पाण्डे एसियाली–अफ्रिकी मन्त्रीस्तरीय बैठकमा भाग लिन आज जकार्ता जाने भएका छन् । बैठक आगामी बुधबार इन्डोनेसियाको राजधानीमा बस्दैछ । त्यसअघि हुने वरिष्ठ अधिकारीका बैठकमा सहभागी हुन परराष्ट्र मन्त्रालयका निमित्त सचिव शङ्करदास वैरागी शुक्रबार इन्डोनेसिया उडेका छन् । जकार्तामा रहँदा परराष्ट्रमन्त्रीले छिमेकी मुलुकका आफ्ना समकक्षीसँग बेग्लाबेग्लै भेटवार्ता गर्ने कार्यक्रम छ । एसियाली–अफ्रिकी सम्मेलनको ६० औँ वाषिर्षोत्सव तथा एसियाली–अफ्रिकी रणनीतिक सहकार्य विषयक सम्मेलन आगामी शुक्रबार इन्डोनेसियाको बाङडुङमा हुनेछ । सो सम्मेलनमा प्रधानमन्त्री सुशील कोइराला नेतृत्वको नेपाली प्रतिनिधिमण्डलले भाग लिने कार्यक्रम रहेको सो मन्त्रालयले जनाएको छ ।
प्रकाशित मिति: शनिबार, वैशाख ५, २०७२
प्रतिक्रिया दिनुहोस्
साताको लोकप्रीय
