अन्य
मोरङमा लागुऔषधसहित दुई पक्राउ
बुधबार, वैशाख २, २०७२
विराटनगर । मोरङमा लागुऔषधसहित दुई जनालाई प्रहरीले पक्राउ गरेको छ । विराटनगर–६ बस्ने १९ वर्षीय विष्णु सहनी र विराटनगर–१५ बस्ने २९ वर्षीय महेश पासवानलाई पक्रेको जिल्ला प्रहरी कार्यालय मोरङले जनाएको छ । कोसी राजमार्गअन्तर्गतको टङ्कीसिनुवारीमा मङ्गलबार अपराह्न आकस्मिक जाँचका क्रममा उनीहरुको साथबाट लागुऔषध टिटी ४ सय ५० थान र कोरेक्स ३३ बोतल बरामद गरिएको हो । उनीहरु बिक्रीका लागि लग्दै गरेको प्रारम्भिक अनुसन्धानबाट खुलेको र कहाँबाट ल्याएको सम्बन्धमा थप अनुसन्धान भइरहेको बताइएको छ ।
प्रकाशित मिति: बुधबार, वैशाख २, २०७२
प्रतिक्रिया दिनुहोस्
