अन्य
आजदेखि उपत्यकामा प्लास्टिकका झोला प्रतिवन्ध
मंगलबार, वैशाख १, २०७२
काठमाडौं । सरकारले आजदेखि उपत्यकामा प्लास्टिक झोला बिक्री वितरण र प्रयोग प्रतिबन्ध लगाएको छ । सरकारले प्लास्टिक झोका बोक्ने र बिक्री वितरण गर्नेलाई वातावरण संरक्षण ऐनअनुसार कारबाही गर्ने भएको छ । सरकारको निर्देशनलाई उल्लंघन गर्दै मापदण्डमा तोकिएभन्दा पातलो प्लास्टिकको झोला बोके कसुर हेरी ५० हजार रुपैयाँसम्मको कारबाही हुनेछ ।
व्यवस्थापिका संसदको वातावरण संरक्षण समितिको ९ भदौ २०७१ मा बसेको बैठकले प्लास्टिक झोलामुक्त उपत्यका बनाउन सरकारलाई निर्देशन दिएको थियो । समितिको निर्देशनअनुसार सरकारले उपत्यकाभित्र प्लास्टिक झोला प्रतिबन्ध लगाएको हो ।
संसदीय समितिले उपत्यकाबाहिरका लागि प्लास्टिक झोला नियमन तथा नियन्त्रण निर्देशिका २०६८ लाई प्रभावकारी कार्यान्वयन गर्न निर्देशन दिँदै ३० माइक्रोनभन्दा पातलो प्लास्टिक झोला उत्पादन, आयातरनिर्यात, बिक्री वितरण र प्रयोग गर्न रोक लगाउने निर्देशन दिएको थियो ।
प्रकाशित मिति: मंगलबार, वैशाख १, २०७२
प्रतिक्रिया दिनुहोस्
साताको लोकप्रीय
