अन्य
पेस्तोलसहित युवक पक्राउ
बिहीबार, चैत २६, २०७१
गोलबजार । सिरहाको मिर्चैया नगरपालिका– ५ का एक युवकलाई अटोमेटिक पेस्तोलसहित प्रहरीले पक्राउ गरेको छ । पक्राउ पर्नेमा स्थानीय २० वर्षीय घुसका भन्ने सञ्जय मण्डल रहेका छन् । विशेष सुराकीको आधारमा मण्डललाई नियन्त्रणमा लिएर शरीर जाँच गर्दा अटोमेटिक पेस्तोल र सोमा लाग्ने चार राउण्ड गोली बरामद गरिएको इलाका प्रहरी कार्यालय मिर्चैयाका प्रहरी निरीक्षक हरि खतिवडाले जानकारी दिए । उनका अनुसार मण्डल जबर्जस्ती करणी मुद्दामा दुई वर्ष जेल सजाय काटेका व्यक्ति हुन् । पेस्तोल कहाँबाट ल्याएको र किन राखेको विषयमा मण्डलमाथि अनुसन्धान भइरहेको प्रहरी निरीक्षक खतिवडाले बताए ।
प्रकाशित मिति: बिहीबार, चैत २६, २०७१
प्रतिक्रिया दिनुहोस्
साताको लोकप्रीय
