अन्य
राजदूतमा उपाध्याय र कार्की नियुक्त
सोमबार, चैत २३, २०७१
काठमाडौं । राष्ट्रपति डा रामवरण यादवले आज दीपकुमार उपाध्यायलाई भारत र डा अर्जुनकुमार कार्कीलाई संयुक्त राज्य अमेरिकाका लागि आवासीय नेपाली राजदूतमा नियुक्त गरेका छन् । नियुक्तिका लागि सरकारद्वारा सिफरिस गरिएका उपाध्याय र कार्कीको नाम व्यवस्थापिका–संसद्को संसदीय विशेष सुनवाई समितिले अनुमोदन गरेपछि सरकारले सहमति (एग्रिमो) का लागि सम्बन्धित मुलुकमा पठाएको थियो ।
सहमति आएपछि आज उनीहरूलाई राष्ट्रपति डा यादवले नेपालको संविधान, २०६३ को धारा १५० बमोजिम मन्त्रिपरिषद्को सिफारिसमा नियुक्त गरेको राष्ट्रपति कार्यालयका प्रवक्ता चक्रबहादुर बुढाद्वारा जारी विज्ञप्तिमा जनाइएको छ । दूवै मुलुकमा तीन वर्षभन्दा बढी समयदेखि राजदूत रिक्त थियो ।
प्रकाशित मिति: सोमबार, चैत २३, २०७१
प्रतिक्रिया दिनुहोस्
