अन्य
दाहाल, बैद्य र चन्द देखि मात्रिका र मणी थापा समेत एउटै आन्दोलनमा
सोमबार, चैत २३, २०७१
काठमाडौं । एमाओवादीबाट बिभाजन भएको चारवर्षपछि एमाओवादी अध्यक्ष पुष्पकमल दाहाल र नेकपा–माओवादीका अध्यक्ष मोहन बैद्य तथा केहि समय अघि बैद्यसंग अलग भएको नेत्रबिक्रम चन्द एउटै ब्यानर बोकेर सडक आन्दोलनमा उत्रदैछन् । यी तिन नेता मात्र नभई एमाओवादीबाटै नेकपा (माओवादी) का संयोजक मात्रिकाप्रसाद यादव, क्रान्तिकारी कम्युनिस्ट पार्टीका महासचिव मणि थापा र नेकपा (एकीकृत) का महासचिव परि थापा समेत एउटै व्यानरमा सडकमा आउन लागेका हुन् ।
आज सोमबार दिउँसो साढे १ बजे सर्वोच्च अदालतले सत्यनिरुपण तथा मेलमिलाप आयोगका सम्बन्धमा गरेको फैसलाका बिरुमा बबरमहलबाट ६ माओवादी घटकहरुको संयुक्त विरोध प्रदर्शन सवै माओवादी नेताहरु एउटै व्यनर समातेर सडकमा आउन लागेका हुन् ।
सो फैसला बाह्रबुँदे, विस्तृत शान्ति सम्झौता, अन्तरिम संविधान तथा हालै गठित सत्यनिरुपण तथा मेलमिलाप आयोग समेतलाई लत्याएर आएको ती माओवादी पार्टीहरुले भन्दै आएका छन् । सो फैसल पुनरावलोकन गर्न माग गर्दै ६ वटै माओवादी पार्टीले यसअघि नै प्रधानमन्त्री सुशील कोइरालाई ज्ञापन पत्र समेत बुझाइसकेका छन् ।
प्रकाशित मिति: सोमबार, चैत २३, २०७१
प्रतिक्रिया दिनुहोस्
साताको लोकप्रीय
