गणेशमान बलिदानी पदयात्रा चितवनको माडीमा

चितवन । नेपाली काँग्रेसले स्वर्गीय नेता गणेशमान सिंहले जेल तोडेर भारत ाँदा प्रयोग गरेको ऐतिहासिक मार्गमा गणेशमान बलिदानी पदयात्रा सुरु गरेको छ । पार्टीको केन्द्रीय नीति तथा प्रशिक्षण प्रतिष्ठानले आज नारायणगढस्थित पार्टी कार्यालयबाट दोस्रो चरणको पदयात्रा सुरु गरेको हो । पदयात्रा सुरु गर्नुअघि नारायणगढमा २००७ र २०१८ सालमा चितवनमा भएको सशस्त्र संघर्षमा लागेका ६६ जना योद्धाहरूलाई सम्मान गरिएको थियो । सो अवसरमा नेपाली काँग्रेसका उपसभापति एवम् प्रतिष्ठानका संयोजक रामचन्द्र पौडेलले गणेशमान सिंहले देखाएको त्यागको अनुशरण गर्न सक्नुपर्नेमा जोड दिए । उनले नेपाली काँग्रेसले सबै आफूले भनेको जस्तो हुनुपर्छ नभनेको भन्दै साझा बाटोको खोजी गरी यथाशक्य चाँडो संविधान बनाउने पक्षमा काँग्रेस रहेको बताए । पदयात्राका क्रममा उपसभापति पौडेलले भरतपुर उपमहानगरपालिकाको माछापुच्छे« चोक, गितानगर, पटिहानी र नारायणी नगरपालिकाको जगतपुरमा सम्बोधन गर्र्दै पदयात्राको महत्व र अहिलेको राजनीतिक परिवेशको बारेमा जानकारी गराएका थिए । पदयात्राका क्रममा विहिवार साँझ माडीमा कोणसभा गरी वसन्तपुरमा पुगेर आजका लागि पदयात्रा टुङ्गिने बताइएको छ । शुक्रवार बिहान वसन्तपुरमा कार्यकर्ता भेलापछि कल्याणपुर, अयोध्यापुरी हुँदै नेपाली काँगे्रस चितवनले ठोरीमा पुगेर पर्सा जिल्लालाई पदयात्रा हस्तान्तरण गर्ने नेपाली काँग्रेस चितवनका सभापति टेकप्रसाद गुरुङले बताए । पदयात्रा पर्साको ठोरी, मकवानपुरको भिमफेदी हुँदै चैत २३ मा काठमाडौँ पुग्नेछ । गणेशमान सिंह जन्मेको एक सय वर्ष पुगेको अवसरमा पदयात्रा गरिएको होे । पदयात्राको दोस्रो दिन भोलि नेता सिंहका छोरा तथा पार्टीका महामन्त्री र सरकारका उपप्रधानमन्त्री प्रकाशमान सिंह पनि सहभागी हुन विहिवार चितवन आइसकेका छन् । विसं २००७ सालको क्रान्तिको तयारीमा सक्रिय रहेका बेलामा गणेशमान सिंह सोही वर्षको असोज २७ मा चितवन नजिकको ठोरीमा समातिएका थिए । चितवन हुँदै ठोरी पुगेर क्रान्तिको तयारीमा लागेका बेला पक्राउ परेपछि सिंहलाई पर्साको वीरगञ्ज हुँदै मकवानपुरको भीमफेदीबाट काठमाडौँ लगिएको थियो । राणा विरोधी आन्दोलनमा पक्राउ परेर जेलमा रहेका गणेशमान भद्रगोल जेलको पर्खाल नाघेर भाग्नुभएको थियो भने काठमाडौं, धादिङ, गोरखा हुँदै सो बेला उहाँ रुपन्देहीबाट भारत छिर्नुभएको थियो । रासस