अन्य
पेट्रोलियम पदार्थको मूल्य एक रुपैयाँ घट्यो
बिहीबार, चैत १९, २०७१
काठमाडौं । नेपाल आयल निगमले पेट्रोल, डिजेल र मट्टितेलको मूल्यमा प्रति लिटरमा एक रुपैयाँको दरले घटाएको छ । बिहीबार राती १२ बजेदेखि लागू हुनेगरी मूल्य घटाइएको निगमले जनाएको छ ।
घटेको मूल्य अनुसार अब पेट्रोल प्रतिलिटर १ सय ९, डिजेल र मट्टितेल प्रतिलिटर ८६ रुपैयाँ ५० पैसा कायम गरिएको छ ।
अन्तराष्ट्रिय बजारमा पेट्रोलियम पदार्थको मूल्यमा गिरावट आएपछि निगमले मूल्य समायोजन गरेको हो ।
निगमले गत असोज १३ गतेदेखि पेट्रोलियम पदार्थमा स्वचालित मूल्य प्रणाली लागू गरेको थियो । त्यसयता लगातार प्रतिलिटर पेट्रोलको मूल्य २५ रुपैयाँ ५० पैसा र डिजेलको तथा मट्टितेलको मूल्य १९ रुपैयाँले घटेको थियो ।
तर, गत फागुन २२ गते भने पेट्रोलियम पदार्थको मूल्य समायोजनपछि पहिलोपटक प्रतिलिटर एक रुपैयाँले बढेको थियो ।
प्रकाशित मिति: बिहीबार, चैत १९, २०७१
प्रतिक्रिया दिनुहोस्
