अन्य
गोविन्द केसीले दिउँसो साढे ३ बजे अनशन तोड्दै
बिहीबार, चैत १९, २०७१
काठमाडौ । मेडिकल माफियाविरुद्ध आमरण अनशन बसेका डा. गोविन्द केसीले आफ्नो अनशन जुत्ता सिलाउने मजदुरको हातबाट तोडाउने इच्छा व्यक्त गरेका छन् । सरकारसँगको सहमतिपछि अहिले साढे ३ बजे केसीले अनशन तोड्दैछन् ।
केसीले शिक्षण अस्पतालको गेट अगाडि जुत्ता सिलाउने मजदुर मोचीको हातबाट अनशन तोडाउने ईच्छा व्यक्त गरेका हुन् । ‘अस्पतालको गेट अगाडिको जुत्ता सिलाउने भाई भेटियो भने उसैको हातबाट अनशन तोडाउछु’, केसीले भने,‘नभेटिए कोही विरामीको हातबाट खान्छु ।’
अनशन तोडाउन प्रधानमन्त्री सुशील कोइराला वा कुनै मन्त्री उपस्थित हुने चर्चा भए पनि डा। केसीले सरकारी व्यक्तिबाट अनशन तोड्ने ईच्छा देखाएका छैनन् । अघिल्लो पटक अनशन तोड्दा पनि केसीले बालिकाको हातबाट जुस पिएका थिए ।
प्रकाशित मिति: बिहीबार, चैत १९, २०७१
प्रतिक्रिया दिनुहोस्
