अन्य
नेपाल पत्रकार महासंघ ६० वर्षमा
सोमबार, चैत १६, २०७१
काठमाडौं । नेपाली पत्रकारहरूको छाता संगठन नेपाल पत्रकार महासंघ ६० औं वर्षमा प्रवेश गरेकोे छ । यस अवसरमा महासंघले शुभकामना व्यक्त गरेको छ । स्थापना दिवसका अवसरमा महासंघले सोमवार विहान भृकुटीमण्डपबाट शान्तिबाटिकासम्म प्रभातफेरी र दिउँसो प्रज्ञाभवन कमलादीमा जलपान कार्यक्रम आयोजना गरेको छ ।
महासंघ अध्यक्ष महेन्द्र विष्टले जस्तो सुकै प्रतिकूल अवस्थामा पनि श्रमजीवी पत्रकारको हकहित, लोकतन्त्र, नागरिक अधिकार र प्रेस स्वतन्त्रताको रक्षाका लागि अग्रजहरूले देखाएको मार्गबाट रत्तिभर विचलित नभई सशक्तरूपमा लागिरहन आह्वान गरेका छन् ।
महासंघले संक्रमणकालबाट गुज्रिरहेको मुलुकलाई सहमति, सहकार्य र विश्वासको आधारमा संविधान निर्माणको गहन जिम्मेवारी पूरा गर्नसमेत विज्ञप्तिमार्फत् आग्रह गरेको छ ।
प्रकाशित मिति: सोमबार, चैत १६, २०७१
प्रतिक्रिया दिनुहोस्
