गजल मुशायराको १५ औं संस्करण मेलवर्नमा  हुने 

सिड्नी ।  विशुद्ध नेपाली भाषा र साहित्यको संरक्षण तथा प्रवर्द्धन गर्ने उद्देश्यका साथ अष्ट्रेलियामा सन् २०१४ देखि निरन्तर क्रियाशिल रहदै आएको ‘मुशायरा परिवार’ ले आगामी मे ३ तारिख शनिवार मेलवर्नको ४९५ ल्यागोन स्ट्रिट ब्रन्सवीक स्थित साइनो फंसन सेन्टरमा "गजल मुशायरा" कार्यक्रम गर्ने भएको छ । नेप्लिज एसोसियसन अफ भिक्टोरिया (NAV ) संगको सहकार्यमा हुने सो कार्यक्रममा २५ जना गजलकारहरुको ५० गजल वाचन सहित गजल गायन र गजलमै नृत्य रहने बताईएको छ ।

नेपाली गजल र साहित्यप्रेमी हरुले छुटाउनै नहुने सो कार्यक्रममा  स्थानीय सर्जकहरूले आ आफ्नो  रचना वाचन पनि गर्नेछन् ।
गजलमै नाच, गजलमै हॉंस अर्थात सबैथोक गजलबाट । यस्तो कार्यक्रम कतै हेर्नुभएको छ ? अष्ट्रेलियामा हुनुहुन्छ र अझै बिशेष मेलवर्न वरपर हुनुहुन्छ भने एउटा छुटाउनु नहुने कार्यक्रम हो  ‘गजल मुशायरा’ । गजल मुशायरा सुरु भएको ११ औं बर्षको संस्करण अष्ट्रेलियाको मेलवर्नमा हुने भएको छ । सिड्नीमा ८ वटा सफल श्रृंखलाहरू, ब्रिसबेनमा दुइवटा, एडिलेडमा यौटा, अल्बेरीमा यौटा भव्य संस्करणहरू र नेपाल(नुवाकोट) र मलेशियामा दूई संस्करण सहित अवको ११ बर्षको बिशेष १५ औं  संस्करण अष्ट्रेलियाको शहर मेलवर्नमा  आयोजना हुने भएको हो ।
 गजल मुशायराको मेलवर्न १५ औं विशेष श्रृंखला हुनेछ, जसमा अस्ट्रेलियामा रहेका २५ जना गजलकारहरुले २/२ वटा गरी ५० वटा गजल बाचन गर्नेछन् । गजल मुशायरा २०२५ मा  सिड्नीबाट जितेन्द्र मल्ल, बिनायक अधिकारी, महेश्वर शर्मा, राहुल अर्याल, मानस राज, न्यूक्यासलबाट इश्वर पौडेल, ब्रिसबेनबाट केशव शर्मा, ओमकार अधिकारी, र कृष्ण समर्पण, अल्बेरीबाट दुर्गाप्रसाद रिमाल र रिमेन आलोक र मेलवर्नबाट लक्ष्मण सञ्ज्याल, सुशील शर्मा सापकोटा, रमेश अधिकारी, कल्याण अधिकारी, अशोक दवाडी, कल्पना अधिकारी भण्डारी, झगेन धिमाल, प्रेम भुषाल, प्रिसुइन्स रेग्मी, पि. डि. सापकोटा, पार्वती पहारी र सन्तोषी लामीछानेले आ आफ्नो गजल र रचना प्रस्तुत गर्ने छन् 
 कार्यक्रममा गजल बाचनको अतिरिक्त अशुं महरा, वनिता केसी र अग्रता नेपालको गजल नृत्य एव सुनिल खड्काको गजल गायन समाबेश रहने छ । बासुदेव मरहट्टाको सञ्चालन रहने यस कार्यक्रममा सहभागी भै गजल वाचन, गायन र नृत्यको मज्जा लिनुका साथै नेपाली गजलको प्रबर्धन गर्ने हाम्रो सानो प्रयासमा सहभागी भै दिनुहुन गजल मुशायरा परिवारले सबैमा सादर अनुरोध गरेको छ ।
मेलबर्नमा नेपाली साहित्यको एक बृहत् कार्यक्रम गर्ने आफ्नो प्रयासले लामो समयपछि सार्थकता पाउन सकेको मेलवर्न संयोजक लक्ष्मण सन्जेल बताउछन् । उनि भन्छन् - यो कार्यक्रम मार्फत्  मेलबर्नमा रहनुभएका अग्रज तथा नयाँ सर्जकहरूलाई सिर्जनशील बनाउने हाम्रो यो प्रयासलाई परिणाममुखी बनाउन सबैको साथ र सहयोग रहने बिस्वास छ । 
गजल मुशायराका संयोजक जितेन्द्र मल्ल मोती जयन्तीको अवसरमा २०१४ देखि सिड्नीमा आयोजना हुँदै आएको गजल मुशायरा कार्यक्रम गजल तथा साहित्य मन पराउनुहुने व्यक्तिहरु माझ अत्यन्तै लोकप्रिय कार्यक्रम भएको र मेलवर्न संस्करणले अष्ट्रेलियामा रहनुभएका साहित्यिक पारखी र गजलकारहरुलाइ अझ तताउनेमा विश्वस्त रहेको बताउछन् ।  गजल मुशायराको मुख्य आकर्षक पक्ष भनेको भाषण नहुनु हो, अनावस्यक नबोल्नु हो । चट्ट स्टेजमा आउने आफना गजल भन्ने र फर्कने । सबै अतिथी सबै श्रोता सबैलाइ समान सम्मान । त्यसैले त गजल मुशायरा परिवारलाई संसारभरि छरिएर रहेका नेपाली गजल सर्जकहरूले अगाध स्नेह देखाएका छन् । 
गजल मुशायराका बारेमा यहॉंहरुलाइ सहयोग र सर सल्लाह गर्न चाहना रहेमा मेलवर्न संयोजक लक्ष्मण सन्जेल ०४५२ ३६२ १७७, र  जितेन्द्र मल्ललाई ०४०२ ५२५ ९७७  मा  सम्पर्क गर्न सकिने छ ।