तामाङ सोसाइटी अफ सिड्नी एनएसडब्ल्यूको अध्यक्षमा अविरल तामाङ चयन  

सिड्नी । तामाङ सोसाइटी अफ सिड्नी एनएसडब्ल्यूको अध्यक्षमा अविरल तामाङ  चयन भएका छन् । यहि   १६ मार्च आईतबार सिड्नी स्थित  क्यान्टबरी हल क्याम्सीमा सम्पन्न अधिवेशनले तामाङको अध्यक्षतामा २०२५–०२७ का लागि नयाँ कार्य समिति चयन गरेको हो ।

नवगठित समितिको उपाध्यक्षहरुमा सुवास लामा, मोबित लामा, योञ्ज लामा, महासचिवमा कुन्साङ घिसिङ, सचिवमा कमल वाईबा, कोषाध्यक्षमा रमेश तामाङ, सह–कोषाध्यक्षमा अनिल बल तामाङ लगायत चयन भएका छन् । त्यस्तै सांस्कृतिक संयोजकमा तेज लामा (समिर) र सह–संयोजकमा सविना तामाङ र युवा संयोजकमा सालु लामा चयन भएका छन् । त्यस्तै सदस्यहरूमा  युवराज तामाङ, इनोक लामा, सुष्मा लामा, प्रविण तामाङ, बिनोद तामाङ, टिकाराम तामाङ (सुवास), अञ्जना तामाङ, सागर तामाङ, राजेन्द्र लामा,छिरिङ्ग पाख्रिन र डिकि बम्जन चयन भएका छन् ।

नवनिर्बाचित अध्यक्ष अविरल तामाङले नेपाल न्यूज अष्ट्रेलियासंगको कुराकानीमा  बिगतका तितामिठा कुरा बिर्सेंर सबैलाई   समेट्दै  अगाडि  बढ्ने प्रतिबद्धता जनाए ।   ।  तामाङ सोसाईटी अब एक भएको भन्दै सबैलाई संगै वृहतर रुपमा अगाडी बढाउन आव्हान गरे ।   तामाङ सोसाइटी अफ सिड्नीका संरक्षकद्वय गणेश तामाङ र सुन्दोर्जे तामाङको निर्वाचन समितिले एक औपचारिक कार्यक्रममा नयाँ कार्यसमितिको घोषणा गरेको थियो । कार्यक्रममा विभिन्न संघ संस्थाका प्रतिनिधि   एवम्  सञ्चारकर्मी लगायत स्थानियको  उपस्थिति रहेको थियो ।