नेभिगेशन
न्यू साउथ वेल्स

सिड्नीमा  एन्टाको होली हंगामा भव्यताका साथ सम्पन्न

सिड्नी ।  एशोसिएसन अफ नेपाल तराई इन अस्ट्रेलिया (एन्टा) को आयोजनामा गत शनिबार ग्रानभिल पार्कमा  भव्य रूपमा होली पर्व मनाएको छ। अस्ट्रेलियाका स्थानिय  तथा चर्चित नेपाली कलाकारहरुको प्रस्तुतिसहित नेपाली खाना र तराई, मधेश झल्किने विशेष प्रस्तुति समेटिएको थियो ।IMG_7528-1742173280.jpeg

ह्वाइट स्पट ग्रुपको प्रस्तुति रहेको सो होली मेलामा
रंग, संगीत, नृत्य र परम्परागत नेपाली परिकारहरूको विशेष आकर्षण रहेको थियो।
कार्यक्रममा सयौँ संख्यामा उपस्थित भएका नेपालीहरुले  एक आपसमा रंग दल्दै होलीको शुभकामना साटासाट सहित विभिन्न मनोरञ्जनात्मक कार्यक्रमका साथ होली मनाएका हुन् ।  कार्यक्रमको उद्घाटन गर्दै एन्टाका अध्यक्ष रञ्जित शाहले नेपालीबीच एकआपसमा मित्रता बाँड्ने, सम्बन्ध बनाउने र रंगहरुको पर्वमा रमाईलो गर्ने उद्धेश्यले कार्यक्रम आयोजना गरिएको बताए । उनले    अगाडि भने - होली पर्व सबै  नेपालीहरुको चाड भएको हो ।   
नेपालका विभिन्न सांस्कृतिक पर्वहरु मध्ये होली पर्वको महत्वलाई अस्ट्रेलियामा पनि दर्साउँदै यसको संरक्षण र प्रवद्र्धन गर्नु पनि कार्यक्रमको उद्धेश्य रहेको बताए   ।  कार्यक्रममा विभिन्न राष्ट्रिय तथा स्थानीय कलाकारहरुको सांस्कृतिक प्रस्तुती, मौलिक नेपाली खानाका परिकारहरु र विभिन्न भेषभुषामा सुसज्जित भएर भौगोलिक विविधता सहितका प्रस्तुतीले सबैको  मन जितेको  थियो ।IMG_7527-1742173399.jpeg

कार्यक्रमलाई सम्बोधन गर्दै ग्रानभिल क्षेत्रकी सांसद जुलिया फिनले बहुसांस्कृतिक र विविधतायुक्त देश नेपालका विभिन्न संस्कृतीहरु आफैमा निकै सुन्दर रहेको बताउदै  यसले देशको प्रतिनिधित्व गर्ने बताईन् ।

कार्यक्रममा एनआरएन ओसेनियाका उपसंयोजक अरुण ठाकुरले पनि शुभकामना मन्तव्य व्यक्त गरेका थिए । त्यस्तै कार्यक्रममा विभिन्न गीत, संगीत तथा नृत्यहरु प्रस्तुत गरिएको थियो । कार्यक्रममा ह्वाइट स्पट ग्रुप संगै सिड्नीका चर्चित   कलाकारहरु जेनिशा गौतम,मानस राज,  सुदिन पोखरेल,  आरिफ रौफ, सुशान्त गौतम, सन्ध्या जोशी, उल्सन श्रेष्ठ, समय ब्याण्ड, डीजे नटकेस,  लगायतले प्रस्तुती दिएका थिए । कार्यक्रमकै अवसरमा निर्देशक सोभित बस्नेतले अष्ट्रेलियामा निर्माणको क्रममा रहेको आफ्‌नो चलचित्र ‘पीआर’को बारेमा  जानकारी दिंदै चलचित्रका कलाकारहरूको संयुक्त परिचयका साथै  चलचित्रका गीतमा सामूहिक नृत्य प्रस्तुत गर्दै गीतलाई सार्वजनिक गराएका थिए। 
कार्यक्रम  साझ अबेरसम्म चलेको  थियो ।

प्रकाशित मिति:
प्रतिक्रिया दिनुहोस्
थप न्यू साउथ वेल्स
वचन न्युजको प्रथम बार्षिकोत्सव सम्पन्न

वचन न्युजको प्रथम बार्षिकोत्सव सम्पन्न

राजदुत यादवले बिदेशमा पनि नेपाली मिडियाहरुले आफनो कर्म र धर्ममा अग्रणी भुमिका निर्वाह गरेकोमा कृतज्ञताप्रकट गर्दै भनिन यसले आफनो पेशाको मान र शान राख्नका लागि पनि निष्पक्ष भएर ...