नेभिगेशन
न्यू साउथ वेल्स

चाडपर्वमा रमाउदै सिड्नीका नेपाली अभिभावक



छोरा छोरीको प्रगती र उन्नतीसँंगै सन्तानको मायाले अस्ट्रेलिया आइपुगेका अभिभावकहरु नेपालको मेलापात,चाडपर्वलाई यता पनि 
संझनागर्दै सामुहिक रुपमा मनाउन थालेका छन । 
घुम्न या नातिनातिनीको मुख हेर्न यसरी सीडनी आइपुगेका एक हुल अभिभावकहरुले आइतबार नेपालीहरुको बाक्लो बस्ती रहेको ग्रानभील पार्कमा लोकलय र दोहोरी घन्काउदै मादलको तालमा होली पर्वलाई बिट मारेका छन । अस्ट्रेलियामा अभिभावकहरुको संख्या हवात्तै बढेपछि प्राय नेपालीहरुको घनाबस्ती भएको शहरी क्षेत्रमा अभिभावक समाजहरु समेत बनेका छन । यस्तै आइतबार ग्रानभिल नेपाली अभिभावक समाजको आयोजनामा भएको भेलामा बा आमाहरु मादलको तालमा दोहोरीमा मस्त भए र मुलुक संझीए । हामीले यता बस्दा पनि अभिभावकलाई न्यास्रो नलागोस भन्ने सोचका साथ हरेक चाड पर्वमा भेला भएर रमाइलो गर्ने र आपसी सदभाव साटासाट गर्ने परम्पराको थालनी गरेका हौ, ग्रानभिल नेपाली समाजका अध्यक्ष लक्ष्मीपती भट्टराइले सुनाए । बिदेशमा छोरा छोरी ब्यस्त हुन्छन र अभिभावक कोठामै सिमित हुने परम्पराको अन्तका लागि पनि हामी मिलेसम्म दिनहुँ एक टाइम साझ पार्कमा भेट्ने र चाडबाड सगै मनाउने अनि भेटघाट गर्ने परदेशमा घरदेशको आभाष दिलाउने अभियान अगाडि सारेका हौ, अध्यक्ष भट्टराइले बताए । भर्खरै सीडनीकै सर्वाधिक नेपाली रहेको कम्बरल्यान्ड काउन्सिल अन्तर्गत ग्रानभिल नेपाली अभिभावक समाजमा नया नेतृत्व समेत चयन भएको छ । स्याङ्जा थातथलो भएका लक्ष्मीपती भट्टराइको अध्यक्षतामा नया कार्यसमिती गठन भएको हो । समितीको उपाध्यक्षमा चन्द्रादेबी पाण्डे,सचिबमा होमनाथ सुबेदी,कोषाध्यक्षमा पार्वती श्रेष्ठ रहेका छन । सदस्यहरुमा गोपालचन्द्र राइ, नारायण प्रशाद पाण्डे, यादव श्रेष्ठ तथा सल्लाहकारमा भाइराम श्रेष्ठ चयन भएका थिए । 
बिदेशमा अभिभावक आउदैगर्दा भाषागत कठिनाइले कतिपय निति नियम नबुझीने अनि कोठामा रहँदा एक्लोपन हुने जस्ता कुराहरुले बढि सताउने गरेको पाइन्छ । तर कम्तीमा सातामा दुइ दिन भएपनि भेला भएर चिनजान गर्ने , नबुझेका कुरा सोध्ने अनि सामुहिक चाडपर्व मनाउदा यसले आपसी सदभाव मात्र हैन नेपाली अभिभावकलाई सहयोग र सदभाव पनि बाडेको कुरा अध्यक्ष भट्टराइले बताए । 

प्रकाशित मिति:
प्रतिक्रिया दिनुहोस्
थप न्यू साउथ वेल्स
वचन न्युजको प्रथम बार्षिकोत्सव सम्पन्न

वचन न्युजको प्रथम बार्षिकोत्सव सम्पन्न

राजदुत यादवले बिदेशमा पनि नेपाली मिडियाहरुले आफनो कर्म र धर्ममा अग्रणी भुमिका निर्वाह गरेकोमा कृतज्ञताप्रकट गर्दै भनिन यसले आफनो पेशाको मान र शान राख्नका लागि पनि निष्पक्ष भएर ...