नेभिगेशन
न्यू साउथ वेल्स

एन्टाको होली भब्य र सभ्य रुपमा सम्पन्न

एशोसिएसन अफ नेपाल तराइ इन अस्ट्रेलिया(एन्टा)को आयोजनामा यही आउदो मार्च पन्ध्र तारिख शनिबार ग्रानभिल पार्कमा होली हंगामा आयोजना गर्दैगर्दा हजारौ नेपालीहरुले रंगको तिहार मनाउदै शुभकामना आदान प्रदान गरे । 
 ह्वाइट स्पट ग्रुपको प्रस्तुती रहेको सो होली मेलामा अस्ट्रेलियाका चर्चित नेपाली कलाकारहरुको प्रस्तुती सहित नेपाली खाना र तराइ, मधेश झल्कीने बिशेष प्रस्तुती समेटिएको थियो । IMG_8587-1742100476.jpeg

स्थानिय ग्रानभिल क्षेत्रकी सांसद जुलिया फीनले औपचारिक रुपमा होली पर्वको शुभारम्भ गर्दै बहुसांस्कृतीक समाजको सुन्दरता भनेको सबै धर्म, जात र कला संस्कृतीको सम्मान गर्नु रहेको बताइन । यसमाथि पनि रंगको पर्वको रुपमा मनाइने होलीले अस्ट्रेलियामा समेत चर्चा पाइसकेको जिकिर गरिन । कार्यक्रममा एनआरएन ओसेनियाका उप संयोजक अरुण ठाकुरले रंगको तिहारका रुपमा रहेको होली राष्ट्रीय पर्व बनिसकेको र बिदेशमा बस्दैगर्दा पनि यसको महत्व बिर्सनु नहुने बताए । ठाकुरले रंगको मिश्रणसंगै रंगिने होलीले नेपालीबिच पनि आपसी सदभाव र अपनत्व काय राख्न थप मद्दत पुग्ने बताए । 
एन्टाका अध्यक्ष रन्जित शाहले नेपालवाट सात समुन्द्रपारी बिदेश आएपनि हामीले आफनो कला संस्कृती बिर्सनु नुहने बताउदै सहयोग र सदभावका साथ भब्य रुपमा सफल बनाउन सहयोग गर्ने मनहरुलाई धन्यवाद ज्ञापन गरे । 
रंगहरुको पर्वका रुपमा नेपाल तथा भारतमा मनाइने होली पर्व थप लोकप्रीय बन्दै गएको छ । यो एउटा हाम्रो महत्वपुर्ण चाडै बनिसकेको छ ,एन्टाका अध्यक्ष रन्जित शाहले बताए । अध्यक्ष शाहले नेपाली कला संस्कृतीको जर्गेनागर्ने उद्देस्यका साथ पनि सीडनीमा एन्टाले होली पर्व आयोजना गर्दै आएको सुनाए । एन्टाका बोर्ड अफ डाइरेक्टर अंगद मिश्राले कार्यक्रमको सफलताको कामना गर्दै अस्ट्रेलियामा आएर पनि होली मनाउन पाउनु गर्वको बिषय रहेको बताए । 
 कार्यक्रममा गायक सुदीन पोखरेलको गीतले युवावर्गमा निकै रंग ल्याएको थियो । यस्तै निर्देशक सोभित बस्नेतले बन्दै गरेको नया चलचित्र पीआरको चर्चा गर्दै यसका कलाकारलाई स्टेजमा उतारेका थिए । 
होली हंगामामा कलाकारहरु आरीफ रौफ, शुसान्त गौतम, सन्ध्या जोशी , उल्सन श्रेष्ठ , समय ब्यान्ड, डीजे नटकेस, मानस राज , जेनिशा गौतम लगायतको बिशेष प्रस्तुती रहेको थियो ।  IMG_8582-1742100477.jpeg

प्रकाशित मिति:
प्रतिक्रिया दिनुहोस्
थप न्यू साउथ वेल्स
वचन न्युजको प्रथम बार्षिकोत्सव सम्पन्न

वचन न्युजको प्रथम बार्षिकोत्सव सम्पन्न

राजदुत यादवले बिदेशमा पनि नेपाली मिडियाहरुले आफनो कर्म र धर्ममा अग्रणी भुमिका निर्वाह गरेकोमा कृतज्ञताप्रकट गर्दै भनिन यसले आफनो पेशाको मान र शान राख्नका लागि पनि निष्पक्ष भएर ...