वाणिज्यदूत शर्माको नेपाल सरकारसंग लगानीमैत्री वातावरण बनाउन पहल 

सिड्नी । न्यू साउथ वेल्‌सका लागि नेपाली वाणिज्यदूत सञ्जीव शर्माले नेपालमा लगानीमैत्री वातावरण बनाउन नेपाल सरकारसँग आवश्यक  पहल सुरु गरेका छन् ।  हाल कायम रहको दोहोरो कर प्रणालीले अष्ट्रेलियन लगानीकर्तालाई नेपालमा लगानी गर्न कठिन भएको बताउदैं यस विषयमा सरकारले पुुर्नविचार गरि  विशेष पहल गनपर्ने बताए । 
नेपाल भ्रमणका रहेका वाणिज्यदूत शर्माले अर्थमन्त्री विष्णु पौडेल, लगानी बोर्डका प्रमुख कार्यकारी अधिकृत (सिइओ) सुशील ज्ञवाली लगायतको भेटवार्तामा दोहोरो करको प्रभावबारे छलफल गरेका हुुन ।  अर्थमन्त्री पौडेलसँगको भेटमा शर्माले नेपाल र अष्ट्रेलियाबीच लगानी प्रवद्र्धन गर्न दोहोरो करको  अन्त्य हुुनुु पर्ने बताए ।  उहाँका अनुसार दोहोरो करको समस्या समाधान गरिएमा अष्ट्रेलियाबाट नेपालमा प्रत्यक्ष विदेशी लगानी बढ्न सक्ने सम्भावना  रहेको पनि शर्माले औल्याएका थिए । यस विषयमा अर्थमन्त्री पौडेलले सकारात्मक जनाउदैं सरकार बिबिध कानुनी व्यवस्थाहरूको पुनरावलोकन गर्दै आवश्यक सुधारको प्रक्रिया अघि बढाइरहेको जानकारी दिए । 

त्यस्तै शर्माले लगानी बोर्डका सिइओ सुशील ज्ञवालीसँग पनि भेट गरी नेपालमा लगानीका अवसर, नीति सुधारको आवश्यकता सहित विभिन्न सम्भावना र चुनौतीहरूबारे विस्तृत छलफल गरेका  छन् । उनले अष्ट्रेलियन लगानीकर्ताका लागि नेपालमा व्यवसायिक अवसरहरू प्रवद्र्धन गर्न नीतिगत सुधारको आवश्यकता रहेको बताए । 
यसै क्रममा, वाणिज्यदूत शर्माले नेपालका लागि अष्ट्रेलियन राजदूत लिन जोन्स्टनसँग पनि भेट गरेका छन् । भेटमा शर्माले  नेपाल अष्ट्रेलिया सम्बन्धलाई थप मजबुत एवं दिगो बनाउने कुुरामा जोड दिए ।