पासपोर्ट घुम्ती शिविरबाट अस्ट्रेलियामा  एकै वर्ष २४ सय २७ सेवाग्राही लाभान्वित  

सिड्नी । गैरआवासीय नेपाली संघ अस्ट्रेलिया  र नेपाली दूतावासको सहकार्यमा आयोजित पासपोर्ट घुम्ती शिविरमा एकै वर्षमा २ हजार ४ सय २६ जनाले सेवा लिएका लिन सफल भएका छन् । 

एनआरएनए अष्ट्रेलियाका अध्यक्ष अनिल पोखरेलका अनुसार पर्थमा फेब्रुुअरी २० देखि २६ सम्म गरिएको पासपोर्ट घुम्ती शिविरमा ५ सय ४१ जनाले पासपोर्ट नविकरण गरेका थिए । 
त्यस्तै, अप्रिल ५ देखि १० तारिखमा एडिलेडमा गरिएको शिविरबाट ६ सय ३ जना, अगष्टको १९ देखि २३ सम्म ब्रिसबेनमा गरिएको शिविरबाट ४ सय ५० जना, डिसेम्बर ५ देखि ८ तारिख डार्विनमा गरिएको शिविरबाट ३ सय ३३ जना र १४ देखि १८ जनवरी २०२५ मा तास्मानिया राज्यमा गरिएको शिविरबाट ५ सय जना लाभान्वित भएका  छन् । 

अस्ट्रेलिया जस्तो महादेशमा भौगोलिक दुरीका कारण पासपोर्ट नविकरण गर्न राजधानी  क्यानवेरा जान विभिन्न राज्यबाट निकै खर्चिलो पर्न जान्छ ।  यसैलाई मध्यनजर गर्दै एनआरएनए अष्ट्रेलियाले घुम्ती शिविरका कारण लाखौं डलर बचत भएको र क्यानेबरा आउने जाने दुःख समेत कम भएको बताउदै सर्वसाधारणको करिब २५ लाख डलरसम्म बचत  गराउन सफल भएको एनआरएनए अस्ट्रेलियाका अध्यक्ष पोखरेलले नेपाल न्य«ूज अष्ट्रेलियालाई बताए ।  

 
 पोखरेलले पासपोर्ट घुम्ती शिविरमा खटिने कर्मचारी एवं स्वयमसेवकलाई धन्यवाद समेत दिएका छन् । 

सामाजिक सञ्जालमा अतिरिक्त रकम लिएको विषय उठान भए पनि पोखरेलले सेवाग्राहीबाट २५ देखि ७० डलरसम्म सहयोग संकलन गरेर यस्ता शिविरमा आइपर्ने खर्चहरूको व्यवस्थापन गरेको बताए । कार्यक्रमबाट बचत भएको रकम एनआरएनए अस्ट्रेलियाको खातामा जम्मा गरिएको जानकारी दिदैं पोखरेलले  घुम्ती शिविरबाट लागि संकलित रकम सामाजिक र परोपकारी कार्यमा खर्च गरिने प्रष्ट पारे । 
नेपाली दूतावासको सिमित श्रोत साधन तथा  जनशक्तिका कारण यस्ता घुुम्ति सेवाहरुमा जादा सेवाग्राहीबाट संकलित रकमबाट केही व्यवस्थापनका खर्चहरु गरिदै आएको बताए । 
एनआरएनए अष्ट्रेलिया नेपाली सम«ुदायका नेपालीहरुको सेवालाई चुुस्त एवं स्तरिय सेवाका लागि नेपाली दुुतावाससंग सहकार्य गरि सेवाग्राहीहरुको सेवामा हातेमालो गर्दै आएको छ ।