सीड्नीको मेरिल्यान्डमा खुल्यो “बाजेको सेकुवा “

अस्ट्रेलियामा नपाली मनहरुको संख्यात्मक
बृद्धीसँगै नेपालीपनले पनि छपक्कै ढाक्न थालेको छ । बिदेशमा मुलुक चिनाउने अनेकन माध्यम मध्ये नेपाली स्वादपनि एउटा हो । कुनैपनि देशको साहित्य ,संगित र कलाले त्यो मुलुकको सांस्कृती झल्काउछ भने खाइने परिकारले जनजिवनको समबृद्धि केलाउने काम गर्दछ । स्वादको विविधता भएको हाम्रो देशको खानाहरुपनि बिस्तारै बिदेशमा पनि लोकप्रीय बन्दै गएका छन । यस्तैमा नेपाली जनजिब्रोमा चिरपरिचित स्वादका रुपमा स्थापीत बाजेको सेकुवाले पनि यतिखेर बिदेशमा बिस्तार हुने मौका पाएको छ । यतिबेला अस्ट्रेलियाको सीडनीस्थीत मेरिल्यान्डमा बाजेको सेकुवा सुरु भएको छ । 
संभवत नेपाली फ्रेन्चाइजका रुपमा भित्रिएको यो नै पहिलो नेपाली रेस्टुरेन्ट हो । हुन त सीडनीमा सयौको संख्यामा नेपाली रेस्टुरेन्टहरु रहेता पनि नेपाली स्वाद र पहिचानको दृष्टीले बाजेको सेकुवा अलग र फरक ब्रान्ड बनेको बताउछन यसका संचालक सौरभ अधिकारी । 
यो एउटा संयोगनै भन्नुपर्छ, नेपालजाँंदा बुबा मुकुन्द अधिकारी खाना खान बाजेको सेकुवा पुग्नु भएको रहेछ र उहालाई त्यहाको खानपान र अतिथी सत्कारले आकर्षित गरेपछि उहाँंले सीडनीमा बाजेको सेकुवा खोलौ भन्ने प्रस्ताब ल्याउनु भयो ,हामीले सल्लाह गरयौ र यसलाई मुर्त रुप दिइयो ,सौरभ भन्छन । 
हामीले नेपालमा रहेको बाजेको सेकुवा अन्तगर्त रहेर फ्रेन्चाइजका रुपमा त्यहाँको स्वाद पस्कने प्रयास गरेका छौ, सेकुवाको स्वाद र मसला सबै नेपालवाटै आउछ र एक महिनाको बिशेष तालिमपछि अनुभवी कुकहरुले यसलाई उहि नेपाली स्वादमा ढाल्न सफल हुनुभएको छ,  रेस्टुरेन्टका अर्का सचालक बिशाल खडगीले सुनाए । लगानीका हिसाबले करौडौ खर्च गरेर भित्राइएको बाजेको सेकुवामा नेपालमा पाइने हड्डी सुपदेखि लिएर सेकुवाका सबै परिकार पाइन्छ । हामीलाई केहि फरक र अलग गरेर मुलुकको स्वाद पस्कने सोचमा बाजेको सेकुवा रोजाइमा परेको हो ,बिशालले सुनाए । 
बाजेका सेकुवा नेपालका कार्यकारी प्रमुख चेतन भण्डारी नेपाली ब्रान्डलाई पनि बिदेशमा फ्रेन्चाइज बनाएर लान सकिन्छ भन्ने आफनो प्रयासले मुर्त रुप लिएको बताउछन । नेपाल बाहेक अमेरिकामा पनि बाजेको सेकुवाले राम्रो बजार लिएको र अस्ट्रेलियामा पनि सबैले मनपराइदिन  हुने बिश्वास आफुले लिएको चेतनले बताए । बाजेको सेकुवा नेपाली स्वाद मात्र हैन नेपालीपनको पहिचान पनि हो,यसैले पनि नेपाली समुदायको बाहुल्यता भएका अन्य देश र शहरहरुमा पनि यसलाई फैलाउने आफ्नो योजना रहेको चेतनले सुनाए ।