एक्सपर्टको टोली अन्टार्कटिका पुग्यो

 सिड्नी । विद्यार्थीलाई विश्वका विभिन्न देशहरुमा शिक्षाको लागि सहजिकरण गरिरहेको एक्सपर्ट एजुकेसन एण्ड भिसा सर्भिसेसले अन्टार्कटिका महादेश पुगेर वातावरण संरक्षणप्रति चासो देखाएको छ । 

एक्सपर्टका ७ जना निर्देशकहरुले अन्टार्कटिका पुगेर  बैठक बस्दै  बाताबरण संरक्षणमा सबैको चासो आजको आवस्यकता रहेको खाचो औल्याएका छन्  हुन । एक्सपर्ट एजुकेसन एण्ड भिसा सर्भिसेस अन्तर्गतको एक्सपर्ट फाउण्डेसनको विशेष बैठक समेत  उनीहरुले  अन्टार्कटिकामा गरेका थिए । जसमा विश्वव्यापी रूपमा बढ्दो जलवायु परिवर्तन र नेपाल, हिमालय र जलवायु परिवर्तनबारे छलफल गरिएको एक्सपर्ट नेपाल शाखाका  निर्देशक खेम संग्रौलाले नेपाल न्युज अष्ट्रेलियालाई बताए ।

वैदेशिक शिक्षाको लागि नेपाललगायत देशमा विश्वासिलो र भरपर्दो सेवा दिँदै आएको एक्सपर्ट समुहले सामाजिक सेवाका लागि सञ्चालनमा ल्याएको फाउण्डेसनले नेपाललगायत विभिन्न मुलुकमा प्राकृतिक विपद् र महामारीका बेला सहयोग पुर्‍याउँदै आएको छ । सोही सन्दर्भमा अन्टार्कटिकामा जलवायु परिवर्तनसम्बन्धि छलफल गर्दै प्रतिबद्धता जनाएको सहभागी भुवन पाण्डेले उल्लेख गरेका छन् । 

एक्सपर्टका प्रशन्न दाहालले - फाउण्डेसनले वातावरण संरक्षणमा विश्वव्यापी चासो बढाउनको लागि यो  कार्यक्रम गरिएको बताउदै जलवायु परिवर्तनको असर भोगिरहेको हिमाली क्षेत्रलाई सहयोग गर्ने सम्बन्धमा बैठकमा छलफल भएको जानकारी दिए । बैठकमा यस्तो सहयोग जुटाउन सम्बन्धित सरोकारवालाहरुसँग सहकार्य गर्ने विषयमा पनि छलफल भएको थियो ।  नेपाल न्युज अष्ट्रेलियासंग कुरागर्दै  एक्सपर्ट मेलबर्नका निर्देशक सरोज शर्माले जलवायु परिवर्तनबाट नेपालका हिमालहरु पग्लिरहेकोमा चिन्ता व्यक्त गर्दै प्रकृति र सबै प्राणीको अस्तीत्व रक्षाका लागि जलवायु परिवर्तनको विषयमा विश्वव्यापी छलफल अझ तिब्र  हुनुपर्नेमा जोड दिइएको बताउछन् ।  

एक्सपर्टको टोलीमा भुवन पाण्डे, सरोजकुमार शर्मा, बसन्तराज पोख्रेल, रुपक बर्तौला, टिएन अर्याल, खेम संग्रौला र प्रसन्न दाहाल अन्टार्कटिका पुगेका हुन् । उनीहरुसहित जम्मा १३ जना नेपालीहरु टिममा छन् । नोभेम्बर १३ मा त्यहाँ पुगेको टोली नोभेम्बर २६ सम्म रहनेछ । एक्सपर्टले अहिले विश्वभरी ६० भन्दा बढी शाखा मार्फत् नेपाली विद्यार्थीहरुलाई अष्ट्रेलिया, अमेरिका, क्यानडा, बेलायतसहितका देशमा पढ्न जान सहजिकरण गरिरहेको छ ।