एक्काको साधारण सभा सम्पन्न कोमलराज पाठकको नेतृत्वमा नयाँ कार्यसमिती 

सिड्नी । अष्ट्रेलियन एजुकेशन कन्सल्ट्यान्ट एलाइन्स(एक्का)को हालै सिड्नीमा सम्पन्न सातौ साधारण सधभाले कोमलराज पाठकको नेतृत्वमा नयाँ  कार्यसमिती चयन गरेको छ । संस्थाको उपाध्यक्षत्रयमा  सत्यप्रकाश कडेल,  चुडामणी सिलवाल र शंकर धरेल  सचिवमा योगेन्द्र पौडेल, सहसचिवमा राम चालिसे र कोषाध्यक्षमा भुवनहरि पाण्डेलाई चयन गरेको सो अवसरमा जानकारी गराइयो । 

त्यसैगरी  कार्यसमिति सदस्यहरुमा अनिश पुरी,अर्जुन थपलिया, भुमि सुवेदी, सुनिल सिग्देल, अरूण गौतम, दिपक पौडेल,सागरकुमार शर्मा, सुमन अधिकारी निर्विरोध चयन भएको एक्काले जनाएको छ ।

 कार्यक्रममा एक्काले पछिल्लो अष्ट्रेलियाको शैक्षिक निती र त्यसले अन्तराष्ट्रिय विध्यार्थी तथा माइग्रेसन व्यवसायमा  पर्न गएको समस्याका बारेमा बिशेष छलफल गरिएको थियो । छलफलमा  लिबरलका सांसद जस्टीन क्लान्सी,  इन्डेपेन्डेड हाइएर एजुकेशन अस्ट्रेलियाका उप प्रमुख जेरी नोक्लेस , सीसाका पुर्व अध्यक्ष विजय सापकोटा तथा चर्चित टीपर्णीकार जेम्स मार्टीन लगायतका बक्ताहरुले  पछिल्लो शिक्षा नितीका बारेमा आ आफना धारणा ब्यक्त गरेका थिए ।

अष्ट्रेलियाले यस बर्षदेखि अन्तराष्ट्रिय विध्यार्थीको संख्या घटाउनुका साथै कलेजहरुलाई समेत कोटा निर्धारण गरेपछि शैक्षिक परामर्शदाता एबं व्यबशायीहरु मारमा परेका छन् ।

 सो अवसरमा एनएसडब्लुका बाणिज्यदुत संजिव शर्माले यस क्षेत्रले भोग्दै आएका समस्या समाधान गर्न र यो व्यवसायलाई अझ मर्यादित र  बिस्वसनिय बनाउन सस्थाको भूमिका महत्वपुर्ण हुने बताए । कार्यक्रममा मन केसी, भवानी ओली लगायतका बक्ताहरुले नवनिर्वाचित पदाधिकारीलाई बधाइ तथा सफलताको शुभकामना व्यक्त गरे । 
कार्यक्रममा एक्काका निर्वतमान अध्यक्ष तथा ग्रेश इन्टरनेशनलका रामचन्द्र पौडेलले पेशागत हक हितका लागि एक्काको एकता र प्रयास सधै जारी रहने बताउदै निर्वाचित अध्यक्ष कोमलराज पाठकलाई पद हस्तान्तरण गरेका थिए ।
यस्तै सचिब योगेन्द्र पौडेलले पछिल्लो कठिन परिस्थीतीमा पनि व्यबशायीक मर्यादा र पेशागत हक हितका लागि संस्थाको भुमिका महत्वपुर्ण
 रहने बताए ।
कार्यक्रममा एक्काका पुर्व अध्यक्षहरु निरज श्रेष्ठ ,विवेक थापा, पीआर अधिकारी ,भुपाल सिटौला लगायतलाई सम्मान समेत गरिएको थियो । नेपाल न्युजसंग कुरागर्दै  नवनिर्वाचित अध्यक्ष कोमलराज पाठकले शैक्षिक परामर्शदाताहरुको यो संगठन ब्यबसायिक मर्यादामा रहेर एकता र पेशागत हक हितका लडाइमा लाग्ने बताए ।