ब्याडमिन्टनमा चीनलाई फाइनलमा हराएर स्वर्ण जितेपछि ताइवान समर्थकले मनाए खुसीयाली

चीनलाई फाइनलमा हराएर स्वर्ण जितेपछि ताइवानका खेल समर्थकले खुसीयाली मनाएका छन् । ताइवानले जारी पेरिस ओलम्पिकमा पहिलो स्वर्ण जितेसँगै त्यहाँका जनताले ठूलो मासमा भेला भएर खुसी साटासाट गरेका छन् ।

इतिहासदेखि नै ताइवानलाई चीनले आफ्नो हिस्सा बताउँदै आए पनि ताइवानले आफू स्वतन्त्र देश भएको दाबी गर्दै आइरहेको छ । यस्तोमा गएराति भएको पुरुष ब्याडमिन्टन डबल्सको फाइनलमा ताइवानका लि याङ र वाङ चि-लिनको जोडीले स्वर्ण चीनका लियाङ वेकिङ र वाङ चाङलाई हराउँदै स्वर्ण जितेका हुन् ।

प्रतिस्पर्धात्मक फाइनल खेल हेर्नको लागि ताइपेइस्को मुख्य ट्रेन स्टेसनमा रातिको १० बजे स्थानीय ठूलो संख्यामा भेला भएका थिए । उनीहरुले ताइवानी झन्डा र राष्ट्रिय रंग देखाएर आफ्ना खेडालीको समर्थन गरेका थिए । यो फाइनल खेल ताइवानी समर्थकको लागि सनसनीपूर्ण रहेको उनीहरुले बताएका छन् । ताइवानलाई चीनले आफ्नो स्वायत्त प्रान्त बताए पनि ताइवानले आफ्ने सम्प्रभुता भएको दाबी गर्दै आएको छ।