नवाज कपको फाइनल खेल अगस्ट ४ तारिखमा हुने

सिड्नी । नेप्लीज अष्ट्रेलियन वेलफेयर सोसाइटी (नवाज) को २५ औ स्थापना दिवसको उपलक्ष्यमा अप्रील २१ तारिखदेखि शुरु भएको नवाज कप फुटबल प्रतियोगिताको फाइनल खेल यहि आइतवार अगस्ट ४ तारिखमा हुने भएको छ । खेल साउथ ग्यान्भिल स्थित Horlyck Reserve, Byrnes St, South Granville मा हुनेछ l

उक्त फाइनल खेल समुह सी मा रहेको सगरमाथा फुटबल क्लब र समुह बी मा रहेको सेन्ट जोर्ज फुुटबल क्लब बीच हुने  छ भने भेट्रान फुुटबल खेलमा (३५ वर्ष माथिका) माछापुुच्छ्रे क्लब र सेन्ट जर्ज फुुटबल क्लब बीच हुने भएको छ । त्यस्तै थर्ड पोजिसनका लागि टिआर जी र फेवा फुटबल क्लव बिच खेल सम्पन्न हुनेछ । अस्ट्रेलियाको सिड्नीको वरपर रहेका करिब १६ वटा नेपाली टोलीको सहभागिता भएको सो प्रतियोगिता लिग कम नक आउटका आधारमा भएको हो ।
सामाजिक सदभाव, आपसी भाइचारा र आपसी मेलमिलापको सन्देश बोकेर आयोजना गरिएको सो नवाज कपको फाइनलमा सहभागी भई खेलाडीहरुलाई हौसला प्रदान गरिदिनु हुन समाजका अध्यक्ष चिरन तिवारीले सबैलाई अनुरोध गरेका छन् ।
प्रतियोगिताका अन्य खेलहरु विहान ८ः३० बजेबाट शुरु हुनेछ भने फाइनल खेल आइतबार १२ः ३० बजेदेखि संचालन हुनेछ ।
प्रतियोगिता आयोजक समितीका संयोजक बैकुन्ठ डंगोलले प्रतियोगिताको विजेता तथा उपविजेतालाई नगद पुरस्कार तथा ट्रफी, प्रमाणपत्र र पदक प्रदान गरिने बताए । प्रथम हुने टीमलाई २७ सय अष्ट्रेलियन डलर, द्धितिय हुने टीमलाई १२ सय डलर तथा तृतीय हुने टीमलाई ६ सय राशीको पुरस्कार समेत व्यवस्था गरिएको छ ।