अष्ट्रेलियाको पश्चिमी शहर पर्थमा यही अप्रील १६ देखि २१ तारिखसम्म आयोजना हुने बिश्व प्रत्यारोपण खेलकुद प्रतियोगितामा सहभागिता जनाउन पाँंच सदस्यीय टोली यहा आइपुगेको छ । बिश्वका ४६ देशका करिब चार हजार खेलाडीले सहभागिता जनाउने यस बिश्व प्रत्यारोपण खेलुकदमा नेपाली टोलीले टेबल टेनिस , दौड , हाइजम्प तथा लङजम्प जस्ता खेलहरुमा सहभागिता जनाउने छ । नपाली टोलीलाई पर्थमा नेपाली समुदायका अगुवा खेलप्रेमी सुवाश श्रेष्ठ ,एनआरएन अभियन्ता राज थपलिया, आङदावा शेर्पालगायतले बिमानस्थलमा स्वागत गरेका थिए । प्रतियोगितामा नेपालका कराते प्रशि क्षक तथा किड्नी ट्रान्सप्लान्ट खेलाडी ध्रुब बिक्रम मल्ल ,हरी नारायण शर्मा ,अशिम कुमार लम्साल बिष्णुलाल श्रेष्ठ र गिता श्रेष्ठको सहभागिता रहेको छ । यस पटकको सहभागितामा हामीले आफ्नो उत्कृष्ट प्रर्दशन गर्ने लक्ष्य राखेका छौ ,सहभािग खेलाडी तथा प्रशिक्षक ध्रुब बिक्रम मल्लले बताए । पदक यसै भन्न नसकिएला,प्रतिस्पर्धा निकै टफ हुने छ तरपनि हामी केहि न केहि जितेर अंग प्रत्यारोपण गरेका नेपालीहरुको हौसला अभिबृद्धी गर्ने काम गर्नेछौ ,मल्लले भने ।