मेट्रो होम्सद्वारा शुभकामना कार्यक्रम सम्पन्न ( फोटो फिचर सहित )

सिड्नी । क्रिसमस तथा नयाँ बर्ष २०२३ को अवसरमा मेट्रो होम्स एण्ड पाट्नर्स , एक्सपोर्ट स्टेट एजेन्ट,अर्बान होम्स र ल्याभिस कन्ट्रक्सनको आयोजनामा हालै सिड्नीको लिभरपुलमा शुभकामना तथा सम्मान कार्यक्रमको आयोजना गरियो । कार्यक्रमममा बोल्दै आयोजक कम्पनीका सीइओ ज्ञानेन्द्र कार्की ( ग्यारी ) ले आफु र आफ्नो टिमको अनबरत र कडा मेहनतका कारणले कम्पनीहरुलाई आजको स्थितिमा पुर्याउन सकिएको बताउदै आगामी दिनमा कम्पनीका कार्य क्षेत्रलाइ अझ बिस्तार गरिने जानकारी दिए । उनले ग्राहकको मागलाई समुचित ढंगले कसरि सम्बोधन गर्न सकिन्छ भन्नेतर्फ़ आफुहरु सदैब सचेत रहेको उल्लेख गर्दै आफुहरुले पुर्याउदै आएको सेवा , प्रभावकारिता र गुणस्तरीयतामा कुनै सम्झौता नगरिएको प्रस्ट पारे ।

सो अवसरमा अनुराग हुमागाई ,ह्यारी अधिकारि ,मुरारी लम्साल , गजेन्द्र गौचन थकाली ,श्रीती सिन्हा ,पौल म्याक्वाइन लगायतका बक्ताहरुले कम्पनीका बिबिध पक्षका बारेमा आ आफ्नो मन्तब्य राखेका थिए । सो अवसरमा सीइओ ज्ञानेन्द्र कार्कीले एक्सपर्ट ईस्टेट एजेण्टको डाईरेक्टरको रुपमा नन्द गुरुङ लाई स्वागत गरेका थिए । गुरुङ सक्सेसफुल मोर्गेज एण्ड फाइनान्स कम्पनीका सीइओ तथा एनआरएनए अस्ट्रेलियाका अध्यक्ष हुन् । सो अवसरमा बोल्दै गुरुङले कम्पनीलाई अझ उचाईमा पुर्याउन आफुले सक्दो प्रयास गर्ने बताए ।

कार्यक्रममा एनआरएनए अस्ट्रेलियाका उपाध्यक्ष देब गुरुङले ज्ञानेन्द्र कार्कीको नेतृत्वमा रहेका कम्पनीहरुले मुनाफालाई मात्र महत्व नदिएर आफुले सामाजिक दायित्व पनि पुरा गर्दै आएको आफुले महसुस गरेको उल्लेख गरे । सो अवसरमा कम्पनीले अगाडी बढाएका र सम्पन्न गरिएका परियोजनाका भिडियो क्लिप हरु पनि देखाइएको थियो । कार्यक्रममा कम्पनिका कर्मचारी र समाजका विभिन्न विधाका व्यक्तित्वहरुलाई सम्मान समेत गरिएको थियो । कम्पनीले हाउस एण्ड ल्याण्ड प्याकेजमा घर निर्माण गर्ने ,बेच्ने र भाडामा लगाउने कार्यका अतिरिक्त घर किन्नको लागि आबस्यक लोनको प्रक्रियामा ग्राहकलाई सेवा पुर्याउदै आएको छ । सीइओ कार्कीका अनुसार हाल सिड्नीमा आफ्नो कार्यक्षेत्र बिस्तार गर्दै रहेको यो कम्पनीले निकट भबिस्यमा नेपालमा पनि यो व्यवसायलाई बिस्तार गर्ने योजना छ ।