सीडनीको "सीटी टु सर्फ"मा नेपाल भ्रमणको निम्तो

अस्ट्रेलियाको सीडनीमा दशौ हजारको सहभागिता रहने च्यारीटी दौड प्रतियोगिता सीटी टु सर्फमा यस पटक एनआरएन एनएसडब्लुले नेपाल भ्रमणको निम्तो दिदै आफ्नो सहभागिता जनाएको छ ।
सीटीदेखि सीड्नीको चिरपरिचित बोन्डाई समुन्द्री किनारासम्मको १४ किलोमिटरको यो दौड सहयोगी कार्यक्रम बोकेर सन २००८देखि प्रारम्भ भएको हो । यसमा अस्ट्रेलियाका दशौ हजार शौखिन धावकहरुले सहभागिता जनाउने गर्छन । यस पटक एनआरएन अस्ट्रेलिया एनएसडब्लु राज्य समितीको पहलमा नेपालको पर्यटन प्रर्वधनको लागि सहभागिता जनाइएको थियो । जसमा सयौ नेपालीहरुले लेट्स गो नेपाल अंकित भेष्ट लगाएर यो दौडमा सामेल भएका थिए । यस पटक हामीले नितान्त नेपालको पर्यटन प्रर्वधनको उद्देस्य बोकेर यो दौडको कुम्भ मेलामा सहभागिता जनाएका हौ र यसले सार्थकता पनि पाएको हामीले महशुस गरेका छौ, एनआरएन एनएसडब्लुका सचिब बिनोद कुवरले बताए ।
दौडमा एनएसडब्लु राज्यका महाबाणिज्यदुत दिपक खड्का , एनआरएन एनएसडब्लुका संयोजक देब गुरुङ, एनआरएनका पुर्व उपाध्यक्ष स्वतन्त्र प्रताप शाह , समुदायका अगुवाहरु निरज श्रेष्ठ,शुवांस शाह, नेपाली राजदुतावासका प्रतिनिधी र एनआरएनका पदाधिकारी लगायत नेपाली संघ संस्थाका पदाधिकारीको सहभागिता रहेको थियो । हजारौको संख्यामा सहभागिता रहने यस्ता समाजिक प्रतियोगिताहरुमा नेपाल जाउँं भन्ने शन्देशका साथ गरिएको सहभागिताले मुलुकको पहिचान बढाउने काम गर्ने महाबाणिज्यदुत दिपक खड्काले बताए ।